ລາວ ຈັດຢູ່ອັນດັບຕໍ່າສຸດຄັ້ງທຳອິດ ໃນຮອບ 26 ປີ ໃນກີລາຊີເກມ

1.733 13 ທ.ວ. 2019 ວົງຈອນກີລາ
ລາວ ຈັດຢູ່ອັນດັບຕໍ່າສຸດຄັ້ງທຳອິດ ໃນຮອບ 26 ປີ ໃນກີລາຊີເກມ

   ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 30 ຢູ່​ປະ­ເທດ​ຟີ​ລິບ​ປິນ ອັດ​ລົງ​ດ້ວຍ​ຜົນ­ສຳ­ເລັດ​ຢ່າງ​ຈົບ­ງາມ ພາຍ­ຫຼັງ​ດຳ­ເນີນ​ມາ​ແຕ່​ວັນ​ທີ 30 ພະ­ຈິກ-11 ທັນ­ວາ 2019 ສຳ­ເລັດ​ລົງ ໂດຍ​ມີ​ການ​ແຂ່ງ­ຂັນ 56 ປະ­ເພດ​ກີ­ລາ​ຊີງ​ໄຊ 530 ຫຼຽນ​ຄຳ ເຊິ່ງ​ກ່ອນ​ຈະ​ເຂົ້າ​ສູ່​ພິ­ທີ​ປິດ​ວັນ​ທີ 11 ທັນ­ວາ ໄດ້​ມີ​ການ​ຊີງ 1 ຫຼຽນ​ຄຳ ກີ­ລາ​ດຶກ​ບານ​ຫາດ​ຊາຍ (Beach handball) ໂດຍ​ຫຼຽນ​ຄຳ​ຕົກ​ເປັນ​ຂອງ ຫວຽດ­ນາມ ເກັບ​ໄຊ 4 ນັດ​ລວດ ຫຼຽນ​ເງິນ ເປັນ​ຂອງ​ໄທ ຫຼຽນ​ທອງ ເປັນ​ຂອງ ຟີ​ລິບ​ປິນ.

   ສະ­ຫຼຸບ​ຕາ­ຕະ­ລາງ​ຫຼຽນ​ລາ­ງວັນ​ຊີ­ເກມ 2019 ຫຼັງ​ຈົບ​ການ​ແຂ່ງ­ຂັນ ອັນ​ດັບ 1 ແມ່ນ​ຟີ​ລິບ​ປິນ 149 ຫຼຽນ​ຄຳ 117 ຫຼຽນ​ເງິນ 121 ຫຼຽນ​ທອງ ລວມ 387 ຫຼຽນ ຄອງ​ເຈົ້າ​ຫຼຽນ​ຄຳ​ເປັນ​ຄັ້ງ​ທີ 2 ໃນ​ຮອບ 14 ປີ ຕໍ່​ຈາກ​ປີ 2005 ທີ່​ເປັນ​ເຈົ້າ­ພາບ ອັນ​ດັບ 2 ຫວຽດ­ນາມ 98 ຫຼຽນ​ຄຳ 85 ຫຼຽນ​ເງິນ 104 ຫຼຽນ​ທອງ ລວມ 287 ຫຼຽນ ອັນ​ດັບ 3 ໄທ 92 ຫຼຽນ​ຄຳ 103 ຫຼຽນ​ເງິນ 123 ຫຼຽນ​ທອງ ລວມ 318 ຫຼຽນ ອັນ​ດັບ 4 ອິນ​ໂດ​ເນ​ເຊຍ 72 ຫຼຽນ​ຄຳ 84 ຫຼຽນ​ເງິນ 111 ຫຼຽນ​ທອງ ລວມ 267 ຫຼຽນ ອັນ​ດັບ 5 ມາ​ເລ​ເຊຍ 55 ຫຼຽນ​ຄຳ 58 ຫຼຽນ​ເງິນ 72 ຫຼຽນ​ທອງ ລວມ 185 ຫຼຽນ ອັນ​ດັບ 6 ສິງ­ກະ­ໂປ 53 ຫຼຽນ​ຄຳ 46 ຫຼຽນ​ເງິນ 68 ຫຼຽນ​ທອງ ລວມ 167 ຫຼຽນ ອັນ​ດັບ 7 ມຽນ​ມາ 4 ຫຼຽນ​ຄຳ 18 ຫຼຽນ ເງິນ 51 ຫຼຽນ​ທອງ ລວມ 73 ຫຼຽນ ອັນ​ດັບ 8 ກຳ­ປູ­ເຈຍ 4 ຫຼຽນ​ຄຳ 6 ຫຼຽນ​ເງິນ 36 ຫຼຽນ ທອງ ລວມ 46 ຫຼຽນ ອັນ​ດັບ 9 ບຣູ​ໄນ 2 ຫຼຽນ​ຄຳ 5 ຫຼຽນ​ເງິນ 6 ຫຼຽນ​ທອງ ລວມ 13 ຫຼຽນ ອັນ​ດັບ 10 ລາວ 1 ຫຼຽນ​ຄຳ 5 ຫຼຽນ​ເງິນ 28 ຫຼຽນ​ທອງ ລວມ 35 ຫຼຽນ ເຊິ່ງ​ເປັນ​ອັນ​ດັບ​ຕ່ຳ​ສຸດ​ຄັ້ງ​ທຳ​ອິດ ໃນ​ຮອບ 26 ປີ ແຕ່​ປີ 1993 ຢູ່​ສິງ­ກະ­ໂປ ທີ່​ໄດ້​ອັນ​ດັບ 9 ຈາກ 9 ປະ­ເທດ​ເຂົ້າ​ຮ່ວມ ສ່ວນ​ອັນ​ດັບ​ດີ​ສຸດ ຄັ້ງ​ຫຼ້າ​ສຸດ​ແມ່ນ​ຊີ­ເກມ ຄັ້ງ​ທີ 25 ທີ່​ລາວ​ເປັນ​ເຈົ້າ­ພາບ (ອັນ​ດັບ 7) 33 ຫຼຽນ​ຄຳ 25 ຫຼຽນ​ເງິນ 52 ຫຼຽນ​ທອງ ລວມ 110 ຫຼຽນ ສ່ວນ​ອັນ​ດັບ 11 ຕີ​ມໍ ເລ​ສ​ເຕ 1 ຫຼຽນ​ເງິນ 5 ຫຼຽນ​ທອງ ລວມ 6 ຫຼຽນ.

ຂ່າວທີ່ກ່ຽວຂ້ອງ