ມອບເງິນຊ່ວຍເຫຼືອ ຜູ້ໄດ້ຮັບຜົນກະທົບຈາກໄພນ້ຳຖ້ວມ

1.318 13 ທ.ວ. 2019 ຂ່າວໜ້າ​ໜຶ່ງ
ມອບເງິນຊ່ວຍເຫຼືອ ຜູ້ໄດ້ຮັບຜົນກະທົບຈາກໄພນ້ຳຖ້ວມ

   ທ່ານ ດຳ​ຣົງ ໄຄຣ່​ຄຣວນ ເອກ​ອັກ­ຄະ­ລາ­ຊະ­ທູດ ລາ­ຊະ​ອາ­ນາ­ຈັກ​ໄທ ປະ­ຈຳ ສປປ ລາວ ນຳ​ເງິນ 7.224.892 ບາດ ຫຼື ປະ­ມານ 2,11 ຕື້​ກີບ ທີ່​ໄດ້​ລະ­ດົມ​ຈາກ​ສັງ­ຄົມ ມາ​ມອບ​ໃຫ້​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ-ສັງ­ຄົມ ເພື່ອ​ນຳ­ໄປ​ຊ່ວຍ­ເຫຼືອ​ຜູ້​ໄດ້​ຮັບ​ຜົນ​ກະ­ທົບ​ຈາກ​ໄພ​ນ້ຳ​ຖ້ວມ ໂດຍ​ສະ­ເພາະ​ຈາກ​ເຫດ ການ​ອ່າງ­ເກັບ­ນ້ຳ ເຂື່ອນ​ເຊ​ປຽນ-ເຊ​ນ້ຳ​ນ້ອຍ ເມືອງ​ສະ­ໜາມ​ໄຊ ແຂວງ​ອັດ​ຕະ​ປື ແຕກ​ໃນ​ປີ­ຜ່ານ­ມາ.

   ພິ­ທີ​ມອບ-ຮັບ​ເງິນ​ຊ່ວຍ­ເຫຼືອ​ດັ່ງ­ກ່າວ ຈັດ​ຂຶ້ນ​ວັນ​ທີ 11 ທັນ­ວາ 2019 ຢູ່​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ-ສັງ­ຄົມ ເຊິ່ງ​ມອບ​ໂດຍ​ທ່ານ ດຳ​ຣົງ ໄຄຣ່​ຄຣວນ ແລະ ຮັບ​ໂດຍ​ທ່ານ ຄຳ​ແພງ ໄຊ​ສົມ​ແພງ ລັດ­ຖະ­ມົນ­ຕີ​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ມີ​ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

ຂ່າວທີ່ກ່ຽວຂ້ອງ