ຊາວກະສິກອນທົ່ວປະເທດ ເກັບກ່ຽວເຂົ້ານາປີສຳເລັດ 71%

1.212 13 ທ.ວ. 2019 ຂ່າວໜ້າ​ໜຶ່ງ

   ບົດ​ລາຍ​ງານ​ປະ­ຈຳ​ອາ­ທິດ (29 ພະ­ຈິກ-5 ທັນ­ວາ) ຂອງ​ກະ­ຊວງ​ກະ­ສິ­ກຳ-ປ່າ­ໄມ້ ໃຫ້​ຮູ້​ວ່າ: ປັດ­ຈຸ­ບັນ​ການ​ຜະ­ລິດ​ເຂົ້າ­ນາ​ປີ ສາ­ມາດ​ເກັບ​ກ່ຽວ​ໄດ້​ແລ້ວ 551.253 ເຮັກ­ຕາ ເທົ່າ​ກັບ 71% ຂອງ​ເນື້ອ­ທີ່​ປັກ​ດຳ​ຕົວ​ຈິງ 778.000 ເຮັກ­ຕາ  (ຜົນ​ເສຍ​ຫາຍ​ຈາກ​ໄພ​ທຳ​ມະ​ຊາດ 108.309 ເຮັກ­ຕາ) ສຳ­ລັບ​ການ​ປູກ​ພືດ-ຜັກ​ອື່ນໆ​ເນື້ອ­ທີ່​ແຜນ­ການ 681.300 ເຮັກ­ຕາ ປັດ­ຈຸ­ບັນ​ຊາວ​ກະ­ສິ­ກອນ​ປູກ​ແລ້ວ 488.478 ເຮັກ­ຕາ ເທົ່າ​ກັບ 72% ຂອງ​ແຜນ­ການ ແລະ ພວມ​ສືບ­ຕໍ່​ປູກ​ຕາມ​ຮອບ​ວຽນ​ຂອງ​ພືດ.

   ສ່ວນ​ວຽກ​ຊົນ­ລະ­ປະ­ທານ ແມ່ນ​ໄດ້​ຕິດ­ຕາມ​ການ​ອະ­ນາ­ໄມ ແລະ ລວງ​ຄອງ­ເໝືອງ​ຂອງ​ແຕ່​ລະ​ທ້ອງ­ຖິ່ນ​ໃນ​ທົ່ວ​ປະ­ເທດ ແລະ ຕິດ­ຕາມ​ການ​ສະ­ໜອງ​ນ້ຳ​ຊົນ­ລະ­ປະ­ທານ​ໃຫ້​ເນື້ອ­ທີ່​ການ​ຜະ­ລິດ​ລະ­ດູ­ແລ້ງ ສົກ​ປີ 2018-2019 ເຊິ່ງ​ຊົນ­ລະ­ປະ­ທານ​ທົ່ວ​ປະ­ເທດ ສາ­ມາດ​ຫົດ​ນ້ຳ​ໄດ້​ເນື້ອ­ທີ່ 165.000 ເຮັກ­ຕາ ໃນ​ນີ້​ເນື້ອ­ທີ່​ປູກ​ເຂົ້າ­ນາ­ແຊງ 100.000 ເຮັກ­ຕາ ພືດ 65.000 ເຮັກ­ຕາ ໃນ 7.800 ໂຄງ­ການ.

ຂ່າວທີ່ກ່ຽວຂ້ອງ