ນະຄອນຫຼວງ ຍັງພົບຄົນເຈັບຍ້ອນພະຍາດໄຂ້ຍຸງລາຍ

872 07 ມ.ກ. 2020 ຂ່າວໜ້າ​ໜຶ່ງ

   ໄຂ້­ຍຸງ​ລາຍ ແມ່ນ​ພະ­ຍາດ​ໜຶ່ງ​ທີ່​ມັກ​ເກີດ​ຂຶ້ນ​ເປັນ​ປະ­ຈຳ ໃນ​ແຕ່​ລະ​ປີ​ແຕ່​ພະ­ຍາດ​ດັ່ງ­ກ່າວ ສາ­ມາດ​ປ້ອງ​ກັນ​ໄດ້ ຖ້າ​ທຸກ​ຄົນ​ຫັນ​ມາ​ເອົາ­ໃຈ­ໃສ່​ປະ­ຕິ­ບັດ​ຫຼັກ­ການ 5 ປ ເປັນ​ປະ­ຈຳ​ທຸກ​ອາ­ທິດ ໂດຍ​ສະ­ເພາະ ເອົາ­ໃຈ­ໃສ່​ທຳ­ລາຍ​ແຫຼ່ງ​ເພາະ​ພັນ​ໜອນ​ນ້ຳ​ຍຸງ​ລາຍ ເພື່ອ​ຕັດ​ວົງ​ຈອນ​ຍຸງ​ພ້ອມ​ທັງ​ເອົາ­ໃຈ­ໃສ່​ປ້ອງ​ກັນ​ບໍ່​ໃຫ້​ຍຸງ​ລາຍ​ກັດ.

   ອີງ​ຕາມ​ຂໍ້​ມູນ​ຂອງ​ພະ​ແນກ​ສາ­ທາ­ລະ­ນະ​ສຸກ​ນະ­ຄອນ­ຫຼວງ​ວຽງ​ຈັນ (ນວ) ໃນ​ວັນ​ທີ 6 ມັງ­ກອນ 2020 ໃຫ້​ຮູ້​ວ່າ: ນັບ​ແຕ່​ວັນ​ທີ 1-3 ມັງ­ກອນ 2020 ໄດ້​ພົບ​ກໍ­ລະ­ນີ​ຄົນ​ເຈັບ​ໄຂ້­ຍຸງ​ລາຍ​ສະ​ສົມ​ໃນ​ທົ່ວ ນວ ທັງ​ໝົດ 15 ກໍ­ລະ­ນີ ຍິງ 11 ກໍ­ລະ­ນີ ໃນ​ນັ້ນ ເມືອງ​ໄຊ​ທາ­ນີ 6 ກໍ­ລະ­ນີ ໄຊ​ເສດ​ຖາ 4 ກໍ­ລະ­ນີ ສີ​ໂຄດ​ຕະ­ບອງ 1 ກໍ­ລະ­ນີ ຈັນ­ທະ​ບູ​ລີ 2 ກໍ­ລະ­ນີ ສີ​ສັດ­ຕະ​ນາກ 1 ກໍ­ລະ­ນີ ຫາດ​ຊາຍ​ຟອງ 1 ກໍ­ລະ­ນີ ສ່ວນ​ເມືອງ​ນາ​ຊາຍ​ທອງ ສັງ​ທອງ ແລະ ເມືອງ​ປາກ​ງື່ມ ຍັງ​ບໍ່​ພົບ​ກໍ­ລະ­ນີ.

ຂ່າວທີ່ກ່ຽວຂ້ອງ