ມອບສັນຊາດລາວໃຫ້ຄົນຕ່າງປະເທດ ທີ່ມີເງື່ອນໄຂຄົບຖ້ວນ

1.361 10 ມ.ກ. 2020 ຂ່າວໜ້າ​ໜຶ່ງ

   ພະ​ແນກ​ພາຍ​ໃນ ນະ­ຄອນ­ຫຼວງ​ວຽງ​ຈັນ (ນວ) ຈັດ​ພິ­ທີ​ມອບ​ສັນ­ຊາດ​ລາວ​ໃຫ້​ຄົນ​ຕ່າງ­ປະ­ເທດ ຫຼື ຄົນ​ທີ່​ບໍ່​ມີ​ສັນ­ຊາດ​ທີ່​ອາ­ໄສ​ຢູ່ ສປປ ລາວ ແລະ ມີ​ເງື່ອນ­ໄຂ​ຄົບ​ຖ້ວນ​ຕາມ​ກົດ­ໝາຍ​ວ່າ​ດ້ວຍ​ສັນ­ຊາດ​ລາວ ວັນ​ທີ 9 ມັງ­ກອນ 2020 ຢູ່​ພະ​ແນກ​ດັ່ງ­ກ່າວ ເຊິ່ງ​ມອບ​ໂດຍ​ທ່ານ ບຸນ​ໜາ ຜາ​ທຸມ​ມະ​ວົງ ຫົວ­ໜ້າ​ພະ​ແນກ​ພາຍ​ໃນ ນວ ມີ​ທ່ານ ວັນ​ດີ ຈັນ­ທະ​ວີ​ເດດ ຮອງ​ຫົວ­ໜ້າ​ກົມ​ຄຸ້ມ​ຄອງ​ພົນ­ລະ­ເມືອງ ກະ­ຊວງ​ພາຍ​ໃນ ຕາງ­ໜ້າ ປກສ ນວ ປກສ ເມືອງ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ.

   ການ​ມອບ​ສັນ­ຊາດ​ລາວ​ໃຫ້​ຄົນ​ຕ່າງ­ປະ­ເທດ​ຄັ້ງ​ນີ້ ແມ່ນ​ປະ­ຕິ­ບັດ​ຕາມ​ກົດ­ໝາຍ​ວ່າ​ດ້ວຍ​ລັດ​ຖະ ບານ ກົດ­ໝາຍ​ວ່າ​ດ້ວຍ​ສັນ­ຊາດ​ລາວ ແລະ ອີງ​ຕາມ​ໜັງ­ສື​ສະ­ເໜີ​ຂອງ​ກະ­ຊວງ​ຍຸ­ຕິ​ທຳ ສະ­ນັ້ນ ທ່ານ ນາ­ຍົກ­ລັດ­ຖະ­ມົນ­ຕີ​ຈຶ່ງ​ໄດ້​ອອກ​ຂໍ້​ຕົກ­ລົງ​ໃຫ້​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ປະ­ສານ​ສົມ­ທົບ​ກັບ​ກະ­ຊວງ​ພາຍ​ໃນ ກະ­ຊວງ​ປ້ອງ​ກັນ​ຄວາມ​ສະ­ຫງົບ ກະ­ຊວງ​ການ​ຕ່າງ­ປະ­ເທດ ກະ­ຊວງ​ຍຸ­ຕິ​ທຳ ແລະ ຂະ­ແໜງ­ການ​ທີ່​ກ່ຽວ­ຂ້ອງ ເພື່ອ​ປະ­ຕິ­ບັດ​ຂໍ້​ຕົກ­ລົງ​ສະ­ບັບ​ດັ່ງ­ກ່າວ ເຊິ່ງ​ໄດ້​ເຫັນ​ດີ​ອະ­ນຸ­ມັດ​ໃຫ້​ສັນ­ຊາດ ລາວ 8 ຄົນ ໃນ​ນີ້ ມີ​ຄົນ​ເຊື້ອ​ຊາດ ແລະ ສັນ­ຊາດ​ຫວຽດ­ນາມ 4 ຄົນ ຍິງ 1 ຄົນ ຈີນ 2 ຄົນ ຍິງ 1 ຄົນ ອິນ​ເດຍ 1 ຄົນ ແລະ ປາ​ກິ​ສ​ຖານ 1 ຄົນ.

ຂ່າວທີ່ກ່ຽວຂ້ອງ