ມາ​ເນ່ ຄວ້າ​ລາງວັນ​ນັກ​ເຕະ​ດີເດັ່ນ​ທະວີບ​ອາ​ຟຣິ​ກາ

1.177 10 ມ.ກ. 2020 ວົງຈອນກີລາ
ມາ​ເນ່ ຄວ້າ​ລາງວັນ​ນັກ​ເຕະ​ດີເດັ່ນ​ທະວີບ​ອາ​ຟຣິ​ກາ

   ຊາ​ດີ​ໂອ ມາ​ເນ່ ກອງ​ໜ້າ​ທີມ​ຊາດ​ເຊ​ເນ​ການ ຂອງ​ສະໂມສອນ​ລີ​ເວີ​ພູ​​ລ ໄວ 27 ປີ ຄວ້າ​ລາງວັນ​ນັກ​ເຕະ​ດີເດັ່ນ​ທະວີບ​ອາ​ຟຣິ​ກາ ປະຈຳ​ປີ 2019 ເປັນ​ທຳ​ອິດ ຫຼັງ​ຈາກ​ມີ​ລາຍ​ຊື່​ເຂົ້າ​ຊີງ 4 ປີ​ຕິດຕໍ່​ກັນ ແຕ່​ໄດ້​ອັນ​ດັບ 2 ປີ 2017 ແລະ 2018 ອັນ​ດັບ 3 ປີ 2016.

    ມາ​ເນ່ ໄດ້​ຄະແນນ​ສຽງ 477 ເອົາ​ຊະນະ ໂມ​ຮາ​ເໝັດ ຊາ​ລ່າ ເພື່ອນ​ຮ່ວມ​ສະໂມສອນ ຊາວ​ເອ​ຢິບ ແລະ ຣິ​ຢາດ ມາ​ເຣ​​ຊ ຈາກ​ສະໂມສອນ​ແມນ​ເຊ​​ັສ​ເຕີ ຊິ​ຕີ້ ຊາວ​ອານ​ເຊຣີ ທີ່​ໄດ້ 325 ຄະແນນ ແລະ 267 ຄະແນນ ຕາມ​ລຳດັບ ມາ​ເນ່ ເປັນ​ນັກ​ເຕະ​ລີ​ເວີ​ພູ​​ລ ຄົນທີ 3 ທີ່​ໄດ້​ຮັບ​ລາງວັນ​ນີ້ ຕໍ່​ຈາກ ໂມ​ຮາ​ເໝັດ ຊາ​ລ່າ ປີ 2017 2018 ແລະ ເອວ ຮັດ​ຈິ ດີ​ອຸບ ປີ 2001 2002 ແລະ ເປັນ​ນັກ​ເຕະ​ຊາວ​ເຊ​ເນ​ການ ຄົນທີ 2 ທີ່​ໄດ້​ລາງວັນ​ນີ້​ຕໍ່​ຈາກ ເອວ ຮັດ​ຈິ ດີ​ອຸບ ໂດຍ​ລະດູ​ການ​ຜ່ານ​ມາ ມາ​ເນ່ ຍິງ 30 ປະຕູ ໃນ​ທຸກ​ລາຍການ ຊ່ວຍ​ຕົ້ນ​ສັງກັດ​ໄດ້​ແຊັມ​ຢູ​ຟ້າ ແຊັມ​ປ້ຽນ​ລີກ ເປັນ​ນັກ​ເຕະ​ທີ່​ມີ​ບົດບາດ​ສຳ ຄັນ​ໃຫ້​ທີມ​ປະສົບ​ຜົນສຳເລັດ.

    ສຳລັບ​ນັກ​ເຕະ​ອາ​ຟຣິ​ກາ ທີ່​ໄດ້​ລາງວັນ​ນີ້​ສູງ​ສຸດ ປະກອບ​ມີ ຊາ​ມູ​ເອວ ເອ​ໂຕ້ ອະດີດ​ກອງ​ໜ້າ​ທີມ​ຊາດ​ກາ​ເມີ​ຣູນ ແລະ ສະໂມສອນ​ບາ​​ຣ​ເຊ​ໂລ​ນ່າ 4 ສະໄໝ ປີ 2003 2004 2005 2010 ຢາ​ຢ້າ ຕູ​ເຣ່ ອະດີດ​ກອງ​ກາງ​ທີມ​ຊາດ​ກາ​ເມີ​ຣູນ ແລະ ສະໂມສອນ​ແມນ​ເຊ​​ັສ​ເຕີ ຊິ​ຕີ້ ປີ 2011 2012 2013 2014. 

ຂ່າວທີ່ກ່ຽວຂ້ອງ