ລັດອະນຸມັດງົບປະມານ 47 ຕື້ກີບ ເພື່ອຈັດງານມະຫະກຳກິລາແຫ່ງຊາດ ຄັ້ງທີ XI

1.520 15 ມ.ກ. 2020 ຂ່າວໜ້າ​ໜຶ່ງ

   ລັດ­ຖະ­ບານ ໄດ້​ອະ­ນຸ­ມັດ​ງົບ­ປະ­ມານ​ໃຫ້​ແຂວງ​ຊຽງ​ຂວາງ ຈຳ­ນວນ 47 ຕື້​ກີບ ເພື່ອ​ນຳ​ໃຊ້​ເຂົ້າ​ໃນ​ການ​ເປັນ​ເຈົ້າ­ພາບ​ຈັດ​ງານ​ມະ​ຫະ​ກຳ​ກິ­ລາ​ແຫ່ງ​ຊາດ ຄັ້ງ​ທີ XI ຢ່າງ​ເປັນ​ທາງ​ການ​ໃນ​ລະ­ຫວ່າງ​ວັນ​ທີ 22 ມີ­ນາ-1 ເມ­ສາ 2020 ຄ່ຽງ​ຄູ່​ກັບ​ການ​ສະ­ເຫຼີມ­ສະ­ຫຼອງ​ອີກ 2 ງານ​ໃຫຍ່​ສຳ­ຄັນ​ຄື: ວັນ​ສ້າງ­ຕັ້ງ​ພັກ​ປະ­ຊາ­ຊົນ ປະ­ຕິ­ວັດ​ລາວ ຄົບ­ຮອບ 65 ປີ ແລະ ການ​ສະ­ເຫຼີມ­ສະ­ຫຼອງ​ທົ່ງ​ໄຫ​ຫີນ​ຊຽງ​ຂວາງ​ເຂົ້າ​ເປັນ​ມໍ­ລະ­ດົກ​ໂລກ.

   ທ່ານ ບຸນ​ຕົ້ນ ຈັນ­ທະ​ພອນ ເຈົ້າ­ແຂວງ​ຊຽງ​ຂວາງ ປະ­ທານ​ຄະ­ນະ​ກຳ­ມະ­ການ​ຈັດ​ງານ​ມະ​ຫະ​ກຳ​ກິ­ລາ​ແຫ່ງ​ຊາດ ຄັ້ງ​ທີ XI ໃຫ້​ສຳ­ພາດ​ວ່າ: ສຳ­ລັບ​ງົບ­ປະ­ມານ ຈຳ­ນວນ 47 ຕື້​ກີບ ລັດ­ຖະ­ບານ​ໄດ້​ໂອນ​ໃຫ້​ແຂວງ​ຊຽງ​ຂວາງ ເພື່ອ​ນຳ​ໃຊ້​ເຂົ້າ​ໃນ​ການ​ກະ­ກຽມ​ວຽກ​ງານ​ຕ່າງໆ​ແລ້ວ 19 ຕື້​ກີບ ໂດຍ​ແຕ່​ລະ​ຄະ­ນະ​ອະ­ນຸ​ກຳ­ມະ­ການ​ແມ່ນ​ໄດ້​ເບີກ​ຈ່າຍ​ງົບ­ປະ­ມານ​ຈຳ­ນວນ​ດັ່ງ­ກ່າວ ເຂົ້າ​ໃນ​ການ​ກະ­ກຽມ​ບັນ­ດາ​ໜ້າ​ວຽກ​ທີ່​ຂຶ້ນ​ກັບ​ຄວາມ​ຮັບ­ຜິດ­ຊອບ​ຂອງ​ຕົນ ໃຫ້​ຖືກ­ຕ້ອງ​ຕາມ​ລະ­ບຽບ​ການ​ທີ່​ກະ­ຊວງ​ການ​ເງິນ​ວາງ​ອອກ​ທຸກ​ຢ່າງ ທັງ​ນີ້​ກໍ່​ແນ­ໃສ່​ເພື່ອ​ເຮັດ​ໃຫ້­ການ​ກະ­ກຽມ​ທຸກ​ວຽກ​ງານ​ຂອງ​ແຕ່​ລະ​ຄະ­ນະ​ກຳ­ມະ­ການ​ດຳ­ເນີນ​ໄປ​ດ້ວຍ​ດີ ເຊິ່ງ​ມາ​ຮອດ​ປັດ­ຈຸ­ບັນ​ນີ້ ແມ່ນ​ສາ­ມາດ​ຕີ​ລາ­ຄາ​ໄດ້​ວ່າ ການ​ກະ­ກຽມ​ໃຫ້​ແກ່ ທັງ 3 ງານ​ໃຫຍ່​ສຳ­ຄັນ​ລະ­ດັບ​ຊາດ​ທີ່​ກ່າວ​ມາ​ນັ້ນ ແຂວງ​ຊຽງ​ຂວາງ ແມ່ນ​ມີ​ຄວາມ​ພ້ອມ​ແລ້ວ​ຫຼາຍ​ກວ່າ 90% ຂອງ​ບັນ­ດາ​ໜ້າ​ວຽກ​ທັງ​ໝົດ.

ຂ່າວທີ່ກ່ຽວຂ້ອງ