ສືບຕໍ່​ຄັດ​ເລືອກ​ນັກກີລາ​ບານເຕະ​ຢູ່​ພາກ​ໃຕ້

745 23 ມ.ກ. 2020 ວົງຈອນກີລາ
ສືບຕໍ່​ຄັດ​ເລືອກ​ນັກກີລາ​ບານເຕະ​ຢູ່​ພາກ​ໃຕ້

    ສະຫະພັນ​ບານເຕະ​ແຫ່ງ​ຊາດ​ລາວ (​ສຕລ) ແຈ້ງ​ໃຫ້​ຊາບ​ວ່າ: ວັນ​ທີ 18-19 ມັງກອນ 2020 ທ່ານ ຊູນ​ດຣາມ ມູນ​ທຣີ ຫົວໜ້າ​ຄູ​ເຝິກ​ທີມ​ຊາດ​ລາວ​ຊຸດ​ໃຫຍ່ ພ້ອມ​ດ້ວຍ​ຄະນະ ໄດ້​ເດີນທາງ​ໄປ ແຂວງ​ຈຳປາ​ສັກ ເພື່ອ​ສືບຕໍ່​ຄັດ​ເລືອກ​ນັກ​ເຕະ​ທີມ​ຊາດ ຮຸ່ນ​ອາຍຸ​ບໍ່​ເກີນ 16 ປີ ແລະ ຮຸ່ນ​ອາຍຸ​ບໍ່​ເກີນ 19 ປີ ສຳລັບ​ບັນດາ​ແຂວງ​ພາກ​ໃຕ້ ໂດຍ​ໄດ້​ຄັດ​ເລືອກ​ຢູ່​ສະໜາມ​ກີລາ​ແຂວງ​ຈຳປາ​ສັກ ມີ​ນັກກີລາ​ເຂົ້າ​ຮ່ວມ 635 ຄົນ.

    ຜ່ານ​ການ​ຄັດ​ເລືອກ​ສາມາດ​ເລືອກ​ໄດ້​ນັກ​ເຕະ​ຕາມ​ເປົ້າ​ໝາຍ 56 ຄົນ ທີ່​ມາ​ຈາກ​ແຂວງ​ຄຳ​ມ່ວນ​ສະຫວັນ​ນະ​ເຂດ ສາລະ​ວັນ ເຊ​ກອງ ຈຳປາ​ສັກ ແລະ ອັດ​ຕະ​ປື.

    ກ່ອນ​ໜ້າ​ນີ້​ຄະນະ​ຄູ​ເຝິກ​ທີມ​ຊາດ​ລາວ ໄດ້​ຄັດ​ເລືອກ​ນັກກີລາ​ບານເຕະ​ທັງ 2 ຮຸ່ນ ຢູ່​ສະໜາມ​ກີລາ​ແຂວງ​ຫຼວງ​ພະ​ບາງ ເຊິ່ງ​ສາມາດ​ຄັດ​ໄດ້ 18 ນັກ​ເຕະ ໃນ 420 ຄົນ ຈາກ​ແຂວງ​ຫຼວງ​ພະ​ບາງ ໄຊ​ຍະ ບູ​ລີ ບໍ່​ແກ້ວ ຫຼວງ​ນ້ຳ​ທາ ຜົ້ງ​ສາລີ ອຸດົມ​ໄຊ ແລະ ຊຽງ​ຂວາງ.

ຂ່າວທີ່ກ່ຽວຂ້ອງ