IEA ປະກາດ​ບົດ​ລາຍ​ງານ​ກ່ຽວ​ກັບ​ການ​ລົງທຶນ​ເຂົ້າ​ໃສ່​ພະລັງງານ​ສະອາດ

829 23 ມ.ກ. 2020 ຂ່າວຕ່າງປະເທດ
IEA ປະກາດ​ບົດ​ລາຍ​ງານ​ກ່ຽວ​ກັບ​ການ​ລົງທຶນ​ເຂົ້າ​ໃສ່​ພະລັງງານ​ສະອາດ

    ບົດ​ລາຍ​ງານ​ຂອງ​ອົງການ​ພະລັງງານ​ສາກົນ (IEA) ທີ່​ໄດ້​ນຳ​ອອກ​ມາ​ເປີດເຜີຍ​ເມື່ອ​ວັນ​ທີ 20 ມັງກອນ​ນີ້ ໃຫ້​ຮູ້​ວ່າ ມີ​ສິ່ງ​ບົ່ງ​ບອກ​ໜ້ອຍ ທີ່​ສະແດງ​ໃຫ້​ເຫັນ​ເຖິງ​ການ​ປ່ຽນແປງ​ອັນ​ໃຫຍ່​ຫຼວງ ຢູ່​ໃນ​ບ້ວງ​ການ​ລົງທຶນ ຂອງ​ບັນດາ​ບໍລິສັດ​ນ້ຳມັນ-ແກ​​ັສ.

    ຈົນ​ມາ​ຮອດ​ເວລາ​ນີ້ ຈຳນວນ​ເງິນ​ທີ່​ບັນດາ​ບໍລິສັດ​ນ້ຳມັນ-ແກ​​ັສ ຫາ​ກໍ “ປ້ອນ” ເຂົ້າ​ໃນ​ບັນດາ​ຂົງເຂດ ທີ່ຢູ່​ນອກ​ຂົງເຂດ​ທຸລະ​ກິດ​ອັນ​ເປັນ​ແກນ​ກາງຂອງ​ເຂົາເຈົ້າ​ນັ້ນ ກວມ​ເອົາ​ບໍ່​ເຖິງ 1% ຢູ່​ໃນ​ຍອດ​ຈຳນວນ​ເງິນ​ທີ່​ລົງທຶນ  ໃນ​ນັ້ນ ບັນດາ​ບໍລິສັດ​ນ້ຳມັນ-ແກ​​ັສ ອັນ​ດັບ​ແຖວ​ໜ້າ ຈັດ​ສັນ​ປະມານ 5% ຢູ່​ໃນ​ຈຳນວນ​ເງິນ​ລົງທຶນ ໃຫ້​ແກ່​ບັນດາ​ໂຄງການ​ພະລັງງານ​ສະອາດ ເຊັ່ນ​ພະລັງງານ​ແສງ​ຕາເວັນ ແລະ ໄຟຟ້າ​ແຮງ​ລົມ.

    ບົດ​ລາຍ​ງານ​ດັ່ງກ່າວ​ກໍ​ໃຫ້​ຮູ້​ວ່າ ຂະແໜງການ​ນ້ຳມັນ-ແກ​​ັສ ສາມາດ​ເຮັດ​ໄດ້​ຫຼາຍ​ກວ່າ​ເກົ່າ ເພື່ອ​ຮັບ​ມື​ກັບ​ໄພ​ຄຸກ​ຄາມ ຈາກ​ສະພາບ​ດິນ​ຟ້າ​ອາກາດ​ປ່ຽນແປງ IEA ເຫັນ​ວ່າ ຄຽງ​ຄູ່​ກັບ​ແຫຼ່ງ​ພະລັງງານ​ສະອາດ​ນັ້ນ ສິ່ງ​ທີ່​ສຳຄັນ​ກໍ​ຄື​ວ່າ ບັນດາ​ບໍລິສັດ​ຄວນ​ເພີ່ມ​ທະວີ​ການ​ລົງທຶນ ເຂົ້າ​ໃນ​ເຊື້ອ​ໄຟ​ຊີວະ​ພາບ​ທີ່​ກ້າວໜ້າ ປ່ອຍ​ແກ​​ັສ CO2 ອອກ​ມາ​ໜ້ອຍ ເພື່ອ​ໃຫ້​ສາມາດ​ຕອບ​ສະໜອງ​ຕໍ່​ຄວາມ​ຕ້ອງການ​ພະລັງງານ​ຂອງ​ໂລກ.

    ບົດ​ລາຍ​ງານ​ຂອງ IEA ຖືກ​ນຳ​ອອກ​ມາ​ເປີດເຜີຍ ທ່າມກາງ​ທີ່​ສະພາບ​ດິນ​ຟ້າ​ອາກາດ​ປ່ຽນແປງ ພວມ​ຜັນ​ແປ​ໄປ​ຢ່າງ​ສັບສົນ ໃນ​ເມື່ອ​ວ່າ​ບັນດາ​ຊ່ຽວຊານ​ນັບ​ມື້​ນັບ​ມີ​ຄວາມ​ກັງວົນ ກ່ຽວ​ກັບ​ວ່າ​ບັນດາ​ເປົ້າ​ໝາຍ​ຫຼຸດຜ່ອນ​ລະດັບ​ເພີ່ມ​ຂຶ້ນ​ຂອງ​ອຸ່ນ​ຫະ​ພູມ​ໜ່ວຍ​ໂລກ ຢູ່​ທີ່​ລະດັບ 1,5-2 ອົງສາ C ເມື່ອ​ທຽບໃສ່​ຍຸກ​ກ່ອນ​ອຸດສາຫະກຳ ຊຶ່ງ​ສັນຍາ​ປາ​ຣີ ກ່ຽວ​ກັບ​ການ​ປ່ຽນແປງ​ດິນ​ຟ້າ​ອາກາດ​ນັ້ນ ມຸ່ງ​ໄປ​ສູ່​ການ​ຍາກ​ທີ່​ຈະ​ບັນລຸ​ໄດ້.

ຂ່າວທີ່ກ່ຽວຂ້ອງ