ບັນດາ​ມະຫາ​ເສດຖີ​ໃນ​ໂລກ ລ້ຳ​ລວຍ​ກວ່າ 60% ຂອງ​ຈຳນວນ​ປະຊາກອນ​ທົ່ວ​ໂລກ

1.175 23 ມ.ກ. 2020 ຂ່າວຕ່າງປະເທດ
ບັນດາ​ມະຫາ​ເສດຖີ​ໃນ​ໂລກ ລ້ຳ​ລວຍ​ກວ່າ 60% ຂອງ​ຈຳນວນ​ປະຊາກອນ​ທົ່ວ​ໂລກ

    ສະຖິຕິ​ຂອງ​ອົງການ​ທີ່​ບໍ່​ຂຶ້ນ​ກັບ​ລັດຖະບານ Oxfam ແຈ້ງ​ໃຫ້​ຮູ້ເມື່ອ​ວັນ​ທີ 20 ມັງກອນ​ນີ້​ວ່າ 2.153 ຄົນ​ທີ່ຢູ່​ໃນ​ໝວດ​ລ້ຳ​ລວຍ​ທີ່​ສຸດ​ໃນ​ໂລກ​ນັ້ນ ຄອບ​ຄອງ​ຊັບ​ສິນ​ຫຼາຍ​ກວ່າ​ຂອງ 4,6 ຕື້​ຄົນ ທີ່ຢູ່​ໃນ​ໝວດ​ທຸກ​ຍາກ​ທີ່​ສຸດ​ໃນ​ໂລກ​ບວກ​ເຂົ້າກັນ ໃນ​ປີ 2019.

    ໃນ​ຂະນະ​ດຽວ​ກັນ ບັນດາ​ໜ້າ​ວຽກ​ທີ່​ບໍ່​ໄດ້​ຮັບ​ເງິນເດືອນ ຫຼື​ໄດ້​ຮັບ​ເງິນເດືອນ​ຕ່ຳ​ຂອງ​ແມ່ຍິງ ແລະ ເດັກນ້ອຍ​ເພດ​ຍິງ ທີ່​ມີ​ລະດັບ​ປະກອບສ່ວນ​ໃນ​ແຕ່​ລະ​ປີ ຢູ່​ໃນ​ພື້ນຖານ​ເສດຖະກິດ​ໂລກ​ນັ້ນ ມີ​ສູງ​ກວ່າ​ທົບ​ສາມ​ເທົ່າ​ຂອງ​ຂະແໜງ​ເຕັກ​ໂນ​ໂລ​ຊີ.

    ໃນ​ບົດ​ລາຍ​ງານ​ທີ່​ນຳ​ອອກ​ມາ​ເປີດເຜີຍ​ກ່ອນ ເວທີ​ປາ​ໄສ​ເສດຖະກິດ​ໂລກ​ປະຈຳ​ປີ ທີ່​ດາວ​​ົສ (ປະເທດ​ສະ​ວິດ) ນັ້ນ Oxfam ໃຫ້​ຮູ້​ວ່າ ແມ່ຍິງ​ໃນ​ທົ່ວ​ໂລກ ໄດ້​ເຮັດ​ວຽກ​ລວມ​ເຂົ້າກັນ​ແລ້ວ 12,5 ຕື້​ຊົ່ວໂມງ​ໃນ​ແຕ່​ລະ​ວັນ ໂດຍ​ທີ່​ບໍ່​ໄດ້​ຮັບ​ເງິນເດືອນ ຫຼື​ບໍ່​ກໍ​ບໍ່​ໄດ້​ຮັບ​ການ​ຮັບ​ຮູ້ ຊົ່ວໂມງ​ເຮັດ​ວຽກ​ດັ່ງກ່າວ ສາມາດ​ນຳ​ມາ​ຊຶ່ງ​ຄຸນຄ່າ​ຢ່າງ​ໜ້ອຍ 10.800 ຕື້​ໂດ​ລາ​ສະຫະລັດ​ໃນ​ແຕ່​ລະ​ປີ ໃຫ້​ແກ່​ພື້ນຖານ​ເສດຖະກິດ​ໂລກ ທີ່​ນັບ​ວ່າ​ສູງ​ກວ່າ​ສາມ​ເທົ່າ​ເມື່ອ​ທຽບໃສ່​ຂະແໜງ​ເຕັກ​ໂນ​ໂລ​ຊີ.

ຂ່າວທີ່ກ່ຽວຂ້ອງ