ສ ອາ​ເມ​ຣິ​ກາ - EU ປຶກສາ​ຫາລື​ກ່ຽວ​ກັບ​ຂໍ້​ຕົກລົງ​ການ​ຄ້າ​ລະຫວ່າງ​ສອງ​ຝ່າຍ

1.175 23 ມ.ກ. 2020 ຂ່າວຕ່າງປະເທດ
ສ ອາ​ເມ​ຣິ​ກາ - EU ປຶກສາ​ຫາລື​ກ່ຽວ​ກັບ​ຂໍ້​ຕົກລົງ​ການ​ຄ້າ​ລະຫວ່າງ​ສອງ​ຝ່າຍ

    ວັນ​ທີ 21 ມັງກອນ​ນີ້ ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ໄດ້​ພົບ​ປະ​ກັບ​ທ່ານ​ນາງ ອູ​ຊູ​ລາ ວອນ ເດີ ເລ​ເຢນ ປະທານ​ສະພາ​ເອີ​ຣົບ (EC) ຊຶ່ງ​ມີ​ຂຶ້ນ​ຢູ່​ນອກ​ເວທີ​ປາ​ໄສ​ເສດຖະກິດ​ໂລກ ຄັ້ງ​ທີ 50 (WEF 2020) ຢູ່​ທີ່​ເມືອງ ດາວ​​ົສ (ປະເທດ​ສະ​ວິດ) ໂດຍ​ຈຸດ​ສຸມ​ກໍ​ແມ່ນ​ເພື່ອ​ມຸ່ງ​ໄປ​ສູ່​ຂໍ້​ຕົກລົງ​ການ​ຄ້າ​ລະຫວ່າງ​ສອງ​ຝ່າຍ.

    ການ​ພົບ​ປະ​ດັ່ງກ່າວ ມີ​ຂຶ້ນ​ບໍ່​ດົນ​ຫຼັງ​ຈາກ​ທີ່​ຝຣັ່ງ ປະກາດ “ສະຫງົບ​ເສິກ” ກັບ ສ ອາ​ເມ​ຣິ​ກາ ໃນ​ເລື່ອງ​ທີ່​ພົວພັນ​ເຖິງ​ແຜນການ​ເກັບ​ພາສີ​ເຕັກ​ໂນ​ໂລ​ຊີ ຊຶ່ງ​ປະທານາທິບໍດີ ທຣຳ ເຫັນ​ວ່າ​ຕົ້ນຕໍ​ແມ່ນ​ແນໃສ່​ບັນດາ​ບໍລິສັດ​ດ້ານ​ເຕັກ​ໂນ​ໂລ​ຊີ​ຂະໜາດ​ໃຫຍ່​ຂອງ ສ ອາ​ເມ​ຣິ​ກາ ໃນ​ຂະນະ​ດຽວ​ກັນ ປະທານາທິບໍດີ ທຣຳ ກໍ​ໄດ້​ຂູ່​ທີ່​ຈະ​ເກັບ​ພາສີ​ການ​ນຳ​ເຂົ້າ​ກັບ​ສິນຄ້າ​ຫຼາຍ​ລາຍການ​ຂອງ​ຝຣັ່ງ ຄື​ກັບ​ວ່າ​ເປັນ​ມາດ​ຕະການ​ຕອບ​ໂຕ້.

    ແຈ້ງ​ການ​ຂອງ​ທຳ​ນຽບ​ຂາວ ໃຫ້​ຮູ້​ວ່າ ນອກຈາກ​ພົບ​ປະ​ກັບ​ປະທານ EC ແລ້ວ ປະທານາທິບໍດີ ທຣຳ ກໍ​ຍັງ​ຈະ​ພົບ​ປະ​ກັບ​ທ່ານ ຄລາວ ສະ​ຈວບ ຜູ້​ກໍ່​ຕັ້ງ WEF ຕະຫຼອດ​ຮອດ​ປະທານາທິບໍດີ​ອີ​ຣັກ ບາ​ຮາມ ຊາລີ ນາຍົກລັດຖະມົນຕີ​ປາ​ກິດ​ສະຖານ ອິມ​ຣານ ຄານ ແລະ ປະທານາທິບໍດີ ສະ​ວິດ ຊີ​ໂມ​ເນດ​ຕາ ຊອມ​ມາ​ຣູ​ກາ.

ຂ່າວທີ່ກ່ຽວຂ້ອງ