ເສົານີ້ຢູ່ສວນຜູ້ໄທທີຣະ ຈັດໃຫ້ມີຫຼາຍກິດຈະກຳໜ້າທ່ຽວຊົມ

637 28 ມ.ກ. 2020 ຂ່າວໜ້າ​ໜຶ່ງ
ເສົານີ້ຢູ່ສວນຜູ້ໄທທີຣະ ຈັດໃຫ້ມີຫຼາຍກິດຈະກຳໜ້າທ່ຽວຊົມ

   ງານ​ບຸນ​ປະ­ເພ­ນີ​ໄຂ​ປະ​ຕູ້​ເລົ້າ ຫຼື ບຸນ­ປີ­ໃໝ່​ຜູ້­ໄທ ທີ່​ສວນ​ຜູ້­ໄທ​ທີ​ຣະ ຖະ­ໜົນ 450 ປີ  ບ້ານ​ໜອງ​ແປນ ເໜືອ ເມືອງ​ຫາດ​ຊາຍ​ຟອງ ນະ­ຄອນ­ຫຼວງ​ວຽງ​ຈັນ ຈັດ​ຂຶ້ນ​ເລີ່ມ​ແຕ່​ປີ 2018 ເປັນ­ຕົ້ນ​ມາ ສະ­ເພາະ​ປີ 2020 ເປັນ​ປີ​ທີ​ສາມ​ຂອງ​ການ​ຈັດ​ງານ​ບຸນ​ດັ່ງ­ກ່າວ ເຊິ່ງ​ຈະ​ຈັດ​ຂຶ້ນ​ວັນ​ທີ 1 ກຸມ­ພາ 2020 ໂດຍ​ເລີ່ມ​ເວ­ລາ 14:00 ໂມງ ເຕົ້າ­ໂຮມ​ຂະ​ບວນ​ແຫ່​ຂອງ​ແຕ່​ລະ​ພາກ­ສ່ວນ 15:00 ໂມງ ເລີ່ມ​ພິ­ທີ​ແຫ່​ບຸນ​ໄຂ​ປະ­ຕູ​ເລົ້າ ແລະ 16:00 ໂມງ​ເປັນ­ຕົ້ນ​ໄປ​ເຂົ້າ​ສູ່​ພິ­ທີ​ສູດ​ຂວັນ​ເຂົ້າ ກິນ​ເຂົ້າ​ພາ­ແລງ ແລະ ຊົມ​ການ­ສະ­ແດງ​ສິ­ລະ​ປະ​ດົນ­ຕີ​ຜູ້­ໄທ​ຈາກ​ທ້ອງ­ຖິ່ນ​ຕ່າງໆ ນອກ​ນັ້ນ ຍັງ​ມີ​ງານ​ວາງ­ສະ­ແດງ​ສິນ­ຄ້າ​ຫັດ­ຖະ­ກຳ ກະ­ສິ­ກຳ​ພື້ນ​ບ້ານ ຕະ­ຫຼາດ­ນັດ ຮ້ານ​ອາ­ຫານ ກີ­ລາ​ພື້ນ​ບ້ານ ສວນ​ເດັກ​ຫຼິ້ນ ຊົມ​ສວນ​ດອກ​ໄມ້ ທົ່ງ​ນາ ສວນ​ຜັກ ເຮືອນ​ຊົງ​ລາວ​ແບບ​ຜູ້­ໄທ ເຄື່ອງ­ໃຊ້​ເກົ່າ​ແກ່​ແບບ​ບູ­ຮານ ແລະ ອື່ນໆ.

   ສະ­ນັ້ນ ຂໍ​ເຊີນ­ຊວນ​ປະ­ຊາ­ຊົນ​ບັນ­ດາ­ເຜົ່າ ຊາວ​ນະ­ຄອນ­ຫຼວງ​ວຽງ​ຈັນ ນັກ​ທ່ອງ​ທ່ຽວ ແຂກ​ພາຍ​ໃນ ແລະ ຕ່າງ­ປະ­ເທດ ພ້ອມ​ກັນ​ເຂົ້າ​ມາ​ທ່ຽວ​ຊົມ​ງານ​ບຸນ​ດັ່ງ­ກ່າວ ເພື່ອ​ເປັນ​ການ​ສຶກ​ສາ​ຮຽນ​ຮູ້​ວັດ­ທະ­ນະ­ທຳ ແລະ ວິ­ຖີ​ການ​ດຳ­ລົງ​ຊີ­ວິດ​ຂອງ​ຊົນ­ເຜົ່າ​ຜູ້­ໄທ ໂດຍ​ສະ­ເພາະ ແມ່ນ​ການ​ນຸ່ງ​ຖື ການ​ໃຊ້​ພາ­ສາ​ປາກ​ເວົ້າ ແລະ ອື່ນໆ ແນ­ໃສ່​ເປັນ​ການ​ອະ­ນຸ​ຮັກ​ຮັກ­ສາ ແລະ ສືບ​ສານ​ວັດ­ທະ­ນະ­ທຳ​ຮີດ­ຄອງ​ປະ­ເພ­ນີ​ອັນ​ດີ­ງາມ​ຂອງ​ເຜົ່າ​ຜູ້­ໄທ​ໃຫ້​ມີ​ຄວາມ​ຍືນ​ຍົງ​ຕະ­ຫຼອດ​ໄປ.

   ສຳ­ລັບ​ການ​ເຂົ້າ​ຮ່ວມ​ກິດ­ຈະ­ກຳ​ຄັ້ງ​ນີ້ ຜູ້​ທີ່​ມີ​ບັດ​ເຊີນ​ຈະ​ບໍ່​ໄດ້​ເສຍ​ຄ່າ​ເຂົ້າ​ຊົມ ສ່ວນ​ຜູ້​ທີ່​ບໍ່​ມີ​ບັດ​ເຊີນ​ຈະ​ໄດ້​ເສຍ​ຄ່າ​ເຂົ້າ​ຊົມ​ຜູ້​ໜຶ່ງ 10.000 ກີບ.

ຂ່າວທີ່ກ່ຽວຂ້ອງ