ເກີດ​ເຫດການ​ແຜ່ນດິນ​ໄຫວ​ຢູ່​ໃນ​ຕວກ​ກີ ແລະ ນູ​ແວນ ເຊ​ລັງ

731 28 ມ.ກ. 2020 ຂ່າວຕ່າງປະເທດ
ເກີດ​ເຫດການ​ແຜ່ນດິນ​ໄຫວ​ຢູ່​ໃນ​ຕວກ​ກີ ແລະ  ນູ​ແວນ ເຊ​ລັງ

    ອົງການ​ສຳ​ຫຼວດ​ທໍລະນີ​ສາດ​ຂອງ ສ ອາ​ເມ​ຣິ​ກາ (USGS) ແຈ້ງ​ໃຫ້​ຮູ້ເມື່ອ​ວັນ​ທີ 25 ມັງກອນ​ທີ່​ຜ່ານ​ມາ​ວ່າ ເຫດການ​ແຜ່ນດິນ​ໄຫວ​ລາຍ​ໜຶ່ງ ທີ່​ແທກ​ຄວາມ​ແຮງ​ສັ່ນ​ສະເທືອນ​ໄດ້ 5,1 ອົງສາ​ຣິກ​ເຕີ ໄດ້​ເກີດ​ຂຶ້ນ​ໃນ​ຕອນ​ແລງ​ຂອງ​ວັນ​ດຽວ​ກັນ ຢູ່​ໃນ​ເຂດ​ທີ່​ຫ່າງ​ຈາກ​ນະຄອນ ໂດ​ກັນ​ຢອນ ຂອງ​ປະເທດ​ຕວກ​ກີ ໄປ​ທາງ​ທິດຕາເວັນອອກ​ສ່ຽງ​ເໜືອ 8 ​ກມ ແລະ ມີ​ຈຸດ​ສູນ​ກາງ​ຢູ່​ໃນ​ລະດັບ​ເລິກ 10​ ກມ.

    ກ່ອນ​ໜ້າ​ນັ້ນ ເມື່ອ​ຄ່ຳ​ຄືນ​ຂອງ​ວັນ​ທີ 24 ມັງກອນ ກໍ​ໄດ້​ເກີດ​ເຫດການ​ແຜ່ນດິນ​ໄຫວ​ອີກ​ລາຍ​ໜຶ່ງ ຊຶ່ງ​ແທກ​ຄວາມ​ແຮງ​ສັ່ນ​ສະເທືອນ​ໄດ້ 6,8 ອົງສາ​ຣິກ​ເຕີ ຢູ່​ໃນ​ແຂວງ ເອກາ​ຊິກ (ພາກ​ຕາເວັນ​ອອກ​ຂອງ​ຕວກ​ກີ) ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 31 ຄົນ ແລະ ບາດເຈັບ​ອີກ​ປະມານ 2.000 ຄົນ ໃນ​ຂະນະ​ທີ່​ມີ​ເຮືອນ​ຊານ​ພັງ​ຖະ​ຫຼົ່ມ​ເກືອບ 100 ຫຼັງ ແລະ ເປ່​ເພ​ອີກ​ຫຼາຍ​ຮ້ອຍ​ຫຼັງ.

    ໃນ​ຂະນະ​ດຽວ​ກັນ ເວບ​ໄຊ GeoNet ຂອງ​ນູ​ແວນ ເຊ​ລັງ ແຈ້ງ​ໃຫ້​ຮູ້​ວ່າ ເຫດການ​ແຜ່ນດິນ​ໄຫວ​ລາຍ​ໜຶ່ງ ຊຶ່ງ​ແທກ​ຄວາມ​ແຮງ​ສັ່ນ​ສະ​ເທ​ື​​ອນ​ໄດ້ 5,4 ອົງສາ​ຣິກ​ເຕີ ໄດ້​ເກີດ​ຂຶ້ນ​ໃນ​ຕອນ​ເຊົ້າ​ວັນ​ທີ 25 ມັງກອນ​ນີ້ ໂດຍ​ສາມາດ​ຮູ້ສຶກ​ເຖິງ​ແຮງ​ສັ່ນ​ສະເທືອນ​ຢູ່​ໃນ​ເກືອບ​ທຸກໆ​ເຂດ​ຂອງ​ນູ​ແວນ ເຊ​ລັງ. ມີ 26.000 ກວ່າ​ຄົນ ເວົ້າ​ວ່າ ພວກ​ຕົນ​ຮູ້ສຶກ​ໄດ້​ວ່າ​ເກີດ​ເຫດ​ເກ​​ານ​ແຜ່ນດິນ​ໄຫວ.

ຂ່າວທີ່ກ່ຽວຂ້ອງ