EU ບໍ່​ຫ້າມ Huawei ໃນ​ການ​ເຂົ້າ​ຮ່ວມ​ກໍ່ສ້າງ​ເຄືອ​ຄ່າຍ 5G

2.263 30 ມ.ກ. 2020 ຂ່າວຕ່າງປະເທດ
EU ບໍ່​ຫ້າມ Huawei ໃນ​ການ​ເຂົ້າ​ຮ່ວມ​ກໍ່ສ້າງ​ເຄືອ​ຄ່າຍ 5G

    ທ່ານ ເທີ​ຣີ ເບຣ​ຕັນ ກຳມະການ​ລະດັບ​ສູງ​ຂອງ​ສະຫະພາບ​ເອີ​ຣົບ (EU) ກ່າວ​ຕໍ່​ຜູ້​ສື່​ຂ່າວ​ເມື່ອ​ວັນ​ທີ 28 ມັງກອນ​ນີ້​ວ່າ ຄະນະ​ກຳມະການ​ເອີ​ຣົບ (EC) ຊຶ່ງ​ເປັນ​ອົງການ​ບໍລິຫານ​ຂອງ​ສະຫະພາບ​ເອີ​ຣົບ (EU) ຈະ​ໄດ້​ປະກາດ​ຢ່າງ​ເປັນ​ທາງ​ການ ໃນ​ວັນ​ທີ 29 ມັງກອນ​ນີ້ ກ່ຽວ​ກັບ​ການ​ສະເໜີ​ແນະນຳ​ບັນດາ​ປະເທດ​ສະມາຊິກ EU ໃນ​ການ​ກໍ່ສ້າງ​ລະບົບ​ເຄືອ​ຄ່າຍ 5G ໃນ​ທິດ​ທາງ​ທີ່​ຄວບ​ຄຸມ​ຢ່າງ​ເຂັ້ມ​ງວດ ຫາກ​ບໍ່​ເປັນ​ການ​ປະຕິບັດ​ຄຳ​ສັ່ງ​ຫ້າມ.

EU ຈະ​ບໍ່​ຫ້າມ ບໍລິສັດ​ໂທລະ​ຄົມມະນາຄົມ Huawei ຂອງ​ຈີນ ຫຼື​ບໍລິສັດ​ໃດໆ​ກໍ​ຕາມ ທີ່​ເຂົ້າ​ຮ່ວມ​ການ​ກໍ່ສ້າງ​ເຄືອ​ຄ່າຍ 5G ຢູ່​ໃນ​ເອີ​ຣົບ ທ່າມ​ຄວາມ​ກົດ​ດັນ​ຢ່າງ​ແຮງ​ຈາກ ສ ອາ​ເມ​ຣິ​ກາ ທີ່​ສະເໜີ​ໃຫ້​ພັນທະ​ມິດ ປະຕິເສດ​ຕໍ່ Huawei.

    ໃນ​ວັນ​ທີ 28 ມັງກອນ​ນີ້​ເຊັ່ນ​ກັນ ລັດຖະບານ​ອັງກິດ​ໄດ້ “ເປີດ​ໄຟ​ຂຽວ” ອະນຸຍາດ​ໃຫ້ Huawei ມີ​ບົດບາດ​ທີ່​ຈຳກັດ ຢູ່​ໃນ​ການ​ພັດທະນາ​ເຄືອ​ຄ່າຍ 5G ໃນ​ອະນາຄົດ ຢູ່​ໃນ​ອັງກິດ. ຕາມ​ນັ້ນແລ້ວ Huawei ຈະ​ບໍ່​ໄດ້​ເຂົ້າ​ຮ່ວມ​ບັນດາ​ພາກສ່ວນ​ອັນ​ເປັນ​ແກນ​ກາງ ທີ່​ຖືກ​ຖື​ວ່າ​ສຳຄັນ​ເປັນ​ຢ່າງ​ຍິ່ງ ແລະ ສະດຸ້ງ​ໄວ ຂອງ​ເຄືອ​ຄ່າຍ 5G ຂອງ​ອັງກິດ.

ຂ່າວທີ່ກ່ຽວຂ້ອງ