ກາ​ຕາ ແຕ່ງຕັ້ງ​ນາຍົກລັດຖະມົນຕີ​ຄົນ​ໃໝ່

2.583 30 ມ.ກ. 2020 ຂ່າວຕ່າງປະເທດ
ກາ​ຕາ ແຕ່ງຕັ້ງ​ນາຍົກລັດຖະມົນຕີ​ຄົນ​ໃໝ່

    ສຳນັກ​ຂ່າວສານ​ແຫ່ງ​ລັດ​ກາ​ຕາ (QNA) ລາຍ​ງານ​ວ່າ ກະສັດ ເຊັກ ທາ​ມິມ ບິນ ຮາ​ມັດ ອາ​​ລ-ທານີ ແຫ່ງ​ກາ​ຕາ ໄດ້​ແຕ່ງຕັ້ງ​ນາຍົກລັດຖະມົນຕີ​ຄົນ​ໃໝ່ ໃນ​ວັນ​ທີ 28 ມັງກອນ​ນີ້ ເພື່ອ​ເຂົ້າ​ໄປ​ແທນ​ທີ່​ທ່ານ ເຊັກ ອັບ​ດຸນ​ລາ ບິນ ​ນັສ​ເຊີ ບິນ ຄາ​ລີ​ຟາ ອາ​​ລ-ທານີ ຜູ້​ຊຶ່ງ​ໄດ້​ຍື່ນ​ຄຳ​ຮ້ອງ​ຂໍ​ລາ​ອອກ​ຈາກ​ຕຳແໜ່ງ​ນາຍົກລັດຖະມົນຕີ​ໄປ​ແລ້ວ​ກ່ອນ​ໜ້າ​ນີ້.

    ແຈ້ງ​ການ​ທີ່​ລົງ​ພິມ​ຜ່ານ​ເວບ​ໄຊ​ຂອງ​ລັດຖະບານ​ກາ​ຕາ ຊີ້​ແຈງ​ວ່າ: “ກະສັດ​ແຫ່ງ​ກາ​ຕາ ໄດ້​ປະກາດ​ໃຊ້​ດຳລັດ​ລາດ​ຊະ​ວົງ​ສະບັບ​ທີ​ສອງ ໃນ​ປີ 2020 ຊຶ່ງ​ຕາມ​ນັ້ນແລ້ວ​ແມ່ນ​ໄດ້​ແຕ່ງຕັ້ງ​ທ່ານ ເຊັກ ຄາ​ລີ​ຟາ ບິນ ອັນ​ດຸນ​ລາ​ຊິ​​ສ ອາ​​ລ-ທານີ ເປັນ​ນາຍົກລັດຖະມົນຕີ ໂດຍ​ມີ​ຜົນ​ບັງຄັບ​ໃຊ້ ນັບ​ແຕ່​ມື້​ທີ່​ໄດ້​ຮັບ​ການ​ປະກາດ​ໃຊ້​ເປັນຕົ້ນ​ໄປ.”

ນາຍົກລັດຖະມົນຕີ ເຊັກ ຄາ​ລີ​ຟາ ບິນ ອັນ​ດຸນ​ລາ​ຊິ​​ສ ອາ​​ລ-ທານີ ຈະ​ຄວບ​ທັງ​ຕຳແໜ່ງ ລັດຖະມົນຕີ​ກະຊວງ​ພາຍ​ໃນ​ຂອງ​ກາ​ຕາ.

ຂ່າວທີ່ກ່ຽວຂ້ອງ