GM ມີ​ແຜນການ​ລົງທຶນ​ຫຼາຍ​ຕື້​ໂດ​ລາ ເພື່ອ​ຜະລິດ​ລົດໄຟ​ຟ້າ ແລະ ລົດ​ຂັບ​ເຄື່ອນ​ດ້ວຍ​ຕົວ​ມັນ​ເອງ

2.681 30 ມ.ກ. 2020 ຂ່າວຕ່າງປະເທດ
GM ມີ​ແຜນການ​ລົງທຶນ​ຫຼາຍ​ຕື້​ໂດ​ລາ ເພື່ອ​ຜະລິດ​ລົດໄຟ​ຟ້າ ແລະ  ລົດ​ຂັບ​ເຄື່ອນ​ດ້ວຍ​ຕົວ​ມັນ​ເອງ

    ບໍລິສັດ​ຜະລິດ​ລົດຍົນ General Motors (GM) ຂອງ ສ ອາ​ເມ​ຣິ​ກາ ແຈ້ງ​ໃຫ້​ຮູ້ເມື່ອ​ວັນ​ທີ 27 ມັງກອນ​ທີ່​ຜ່ານ​ມາ​ວ່າ ຈະ​ລົງທຶນ 2,2 ຕື້​ໂດ​ລາ​ສະຫະລັດ ເພື່ອ​ຜະລິດ​ລົດ​ຂົນສົ່ງ ແລະ ລົດ​ກິລາ ທີ່​ໃຊ້​ໄດ້​ຫຼາຍ​ປະໂຫຍດ (SUV) ຊຶ່ງ​ແລ່ນ​ດ້ວຍ​ໄຟຟ້າ​ທັງ​ສິ້ນ ໂດຍ​ຜະລິດ​ຢູ່​ໃນ​ໂຮງງານ​ແຫ່ງ​ໜຶ່ງ ຢູ່​ໃນ ດີ​ທຣອຍ ( ສ ອາ​ເມ​ຣິ​ກາ).

    ຕາມ​ແຜນການ​ແລ້ວ ໂຮງງານ​ດັ່ງກ່າວ​ຈະ​ຜະລິດ​ລົດ​ກະບະ ທີ່​ແລ່ນ​ດ້ວຍ​ໄຟຟ້າ​ທັງ​ສິ້ນ ເປັນ​ເທື່ອ​ທຳ​ອິດ​ຂອງ GM ພາຍ​ໃນ​ທ້າຍ​ປີ 2021. ນອກຈາກ​ນັ້ນແລ້ວ ໂຮງງານ​ດັ່ງກ່າວ​ກໍ​ຈະ​ຜະລິດ​ລົດຍົນ​ທີ່​ຂັບ​ເຄື່ອນ​ດ້ວຍ​ຕົວ​ມັນ​ເອງ Cruise Origin ທີ່​ແລ່ນ​ດ້ວຍ​ໄຟຟ້າ ຊຶ່ງ GM ໄດ້​ແນະນຳ​ອອກ​ມາ​ທີ່​ນະຄອນ ຊານ ຟຣານ​ຊິ​​ສ​ໂກ ເມື່ອ​ອາທິດ​ກ່ອນ.

    GM ຍັງ​ໃຫ້​ຮູ້​ວ່າ ບ້ວງ​ເງິນ​ລົງທຶນ​ດັ່ງກ່າວ ຈະ​ສ້າງ​ວຽກ​ເຮັດ​ງານ​ທຳ​ອອກ​ມາ​ກວ່າ 2.200 ຕຳແໜ່ງ​ງານ ເມື່ອ​ໂຮງງານ​ດັ່ງກ່າວ​ເຂົ້າ​ສູ່​ການເຄື່ອນໄຫວ​ຢ່າງ​ເຕັມທີ່. ຄຽງ​ຄູ່​ກັນ​ນັ້ນ GM ກໍ​ຈະ​ລົງທຶນ​ຕື່ມ​ອີກ 800 ລ້ານ​ໂດ​ລາ​ສະຫະລັດ ເຂົ້າ​ໃນ​ໂຄງການ​ອື່ນໆ ທີ່​ກ່ຽວຂ້ອງ​ເຖິງ​ການ “ເປີດ​ຕົວ” ພວກ​ລົດ​ຂົນສົ່ງ​ໄຟຟ້າ​ໃໝ່.

ຂ່າວທີ່ກ່ຽວຂ້ອງ