ທະຫານ ສ ອາ​ເມ​ຣິ​ກາ ຫຼາຍ​ສິບ​ຄົນ​ໄດ້​ຮັບ​ຄວາມ​ເສຍ​ຫາຍ​ທາງ​ສະໝອງ

2.706 30 ມ.ກ. 2020 ຂ່າວຕ່າງປະເທດ
ທະຫານ ສ ອາ​ເມ​ຣິ​ກາ ຫຼາຍ​ສິບ​ຄົນ​ໄດ້​ຮັບ​ຄວາມ​ເສຍ​ຫາຍ​ທາງ​ສະໝອງ

    ແຈ້ງ​ການ​ສະບັບ​ໜຶ່ງ ທີ່​ມີ​ອອກ​ມາ​ເມື່ອ​ວັນ​ທີ 28 ມັງກອນ​ນີ້ ກ່ຽວ​ກັບ​ເຫດການ​ໂຈມ​ຕີ​ຖານ​ທັບ​ອາກາດ  ອາ​ອິນ ອາ​​ລ-ອາ​ຊັດ ຢູ່​ໃນ​ອີ​ຣັກ ເມື່ອ​ຕົ້ນ​ເດືອນ​ມັງກອນ​ທີ່​ຜ່ານ​ມາ​ນັ້ນ ໂຄສົກ​ກະຊວງ​ປ້ອງ​ກັນ​ປະເທດ ສ ອາ​ເມ​ຣິ​ກາ ໂທ​ມາ​​ສ ຄາມ​ແບລ ຊີ້​ແຈງ​ວ່າ ໄລ່​ມາ​ຮອດ​ເວລາ​ນີ້ ທະຫານ​ຂອງ ສ ອາ​ເມ​ຣິ​ກາ 50 ຄົນ ໄດ້​ຮັບ​ການບົ່ງມະຕິ​ພະຍາດ​ວ່າ “ຖືກເສຍ​ຫາຍ​ທາງ​ສະໝອງ”.

    ທະຫານ​ຂອງ ສ ອາ​ເມ​ຣິ​ກາ 31 ຄົນ ຈາກ​ຈຳນວນ 50 ຄົນ​ດັ່ງກ່າວ​ນັ້ນ ໄດ້​ຮັບ​ການ​ປິ່ນປົວ​ຢູ່​ໃນ​ອີ​ຣັກ  ແລະ ກັບ​ຄືນ​ສູ່​ການ​ຮັບ​ໜ້າທີ່​ແລ້ວ. ໃນ​ຂະນະ​ດຽວ​ກັນ ມີ​ທະຫານ 18 ຄົນ ຖືກ​ສົ່ງ​ໄປ​ຍັງ​ເຢຍ​ລະ​ມັນ ເພື່ອ​ຕີ​ລາຄາ​ຕື່ມ ແລະ ປິ່ນປົວ ສ່ວນ​ອີກ 1 ຄົນ ໄດ້​ຖືກ​ສົ່ງ​ໄປ​ຍັງ​ກູ​ເວດ ແລະ ໄດ້​ກັບ​ຄືນ​ຮັບ​ໜ້າທີ່​ແລ້ວ.

    ກ່ອນ​ໜ້າ​ນັ້ນ ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ແລະ ເຈົ້າ​ໜ້າທີ່​ລະດັບ​ສູງ​ຂອງ ສ ອາ​ເມ​ຣິ​ກາ​ອີກ​ຫຼາຍ​ທ່ານ ໄດ້​ຢືນຢັນ​ໃນ​ເບື້ອງ​ຕົ້ນ​ວ່າ ບໍ່​ມີ​ທະຫານ​ຂອງ ສ ອາ​ເມ​ຣິ​ກາ ຄົນ​ໃດ​ໄດ້​ຮັບ​ບາດເຈັບ​ຫຼື​ລົ້ມ​ຕາຍ ຈາກ​ການ​ໂຈມ​ຕີ​ຂອງ​ອີ​ຣານ ຊຶ່ງ​ເກີດ​ຂຶ້ນ​ເມື່ອ​ວັນ​ທີ 8 ມັງກອນ​ທີ່​ຜ່ານ​ມາ.

ຂ່າວທີ່ກ່ຽວຂ້ອງ