ຕະຫຼາດ​ຄຳ​ໃນ​ຈີນ ມີ​ຄວາມ​ເຕີບ​ໂຕ​ໃນ​ປີ 2019

1.980 03 ກ.ພ. 2020 ຂ່າວຕ່າງປະເທດ
ຕະຫຼາດ​ຄຳ​ໃນ​ຈີນ ມີ​ຄວາມ​ເຕີບ​ໂຕ​ໃນ​ປີ 2019

    ຕົວ​ເລກ​ຈາກ​ສະມາຄົມ​ຜະລິດ​ຕະ​ພັນ​ຄຳ​ຂອງ​ຈີນ (CGA) ໃຫ້​ຮູ້​ວ່າ ຕະຫຼາດ​ຄຳ​ໃນ​ຈີນ ໄດ້​ມີ​ຄວາມ​ເຕີບ​ໂຕ​ຢ່າງ​ແຮງ ໃນ​ປີ 2019 ທ່າມກາງ​ທີ່​ບໍ​ລິ​ມາດ​ການ​ຊື້​ຂາຍ​ຄຳ​ຕາມ​ກຳນົດ ແລະ ສົ່ງ​ມອບ​ທັນທີ ຕ່າງ​ກໍ​ເພີ່ມ​ຂຶ້ນ​ຫຼາຍ​ພໍ​ສົມຄວນ.

    ໃນ​ນັ້ນ ໃນ​ປີ 2019 ບໍ​ລິ​ມາດ​ການ​ຊື້​ຂາຍຂອງ​ທຸກໆ​ຜະລິດ​ຕະ​ພັນ​ຄຳ​ທີ່​ມອບ​ທັນທີ ຢູ່​ໃນ​ຕະຫຼາດ​ຊື້​ຂາຍ​ຄຳ​ຊຽງ​ໄຮ (SGE) ໄດ້​ເພີ່ມ​ຂຶ້ນ 0,12% ທຽບໃສ່​ປີ 2018 ໂດຍ​ຂຶ້ນ​ສູ່​ລະດັບ 68.600 ໂຕນ. ທ່າ​ອ່ຽງ​ຄື​ດັ່ງກ່າວ ໄດ້​ຊຸກຍູ້​ໃຫ້​ລາຍ​ຮັບ​ເພີ່ມ​ຂຶ້ນ 15,69% ແລະ ຂຶ້ນ​ໄປ​ແຕະ​ມູນ​ຄ່າ​ໃນ​ແດນ 21.490 ຕື້​ຢວນ (ເທົ່າ​ກັບ 3.120 ຕື້​ໂດ​ລາ​ສະຫະລັດ).

    ໃນ​ເວລາ​ດຽວ​ກັນ CGA ກໍ​ແຈ້ງ​ໃຫ້​ຮູ້​ວ່າ ຍອດ​ບໍ​ລິ​ມາດ​ການ​ຊື້​ຂາຍ​ຄຳ​ຕາມ​ກຳນົດ​ຢູ່​ໃນ SGE ບວກ​ຕື່ມ 186,84% ຂຶ້ນ​ເປັນ 92.500 ໂຕນ ດ້ວຍ​ລາຍ​ຮັບ​ເພີ່ມ​ຂຶ້ນ​ເຖິງ 238,92% ເມື່ອ​ທຽບໃສ່​ໜຶ່ງ​ປີ​ກ່ອນ​ໜ້າ​ນີ້ ຂຶ້ນ​ສູ່​ລະດັບ 29.990 ຕື້​ຢວນ.

    ໃນ​ປີ 2019 ລາຄາ​ຄຳ ຊື້​ຂາຍ​ກັນ​ສະເລ່ຍ​ຢູ່​ທີ່​ລະດັບ 1.395,6 ໂດ​ລາ​ສະຫະລັດ/ອອນ ເພີ່ມ​ຂຶ້ນ 9,84% ເມື່ອ​ທຽບໃສ່​ປີ 2018.

ຂ່າວທີ່ກ່ຽວຂ້ອງ