ອິດ​ສະ​ຣາ​ແອນ ເປີດເຜີຍ​ອຸປະກອນ​ການບິນ​ແບບ​ບໍ່​ມີ​ຄົນ​ຂັບ​ໃໝ່​ທີ່​ມີ​ຫຼາຍ​ຊັ້ນ

2.119 03 ກ.ພ. 2020 ຂ່າວຕ່າງປະເທດ
ອິດ​ສະ​ຣາ​ແອນ ເປີດເຜີຍ​ອຸປະກອນ​ການບິນ​ແບບ​ບໍ່​ມີ​ຄົນ​ຂັບ​ໃໝ່​ທີ່​ມີ​ຫຼາຍ​ຊັ້ນ

    ຂ່າວສານ​ຊິນ​ຮວາ ລາຍ​ງານ​ວ່າ ບໍລິສັດ​ລັດ​ວິ​ສາ​ຫະ​ກິດ Aerospace Industries ຂອງ​ອິດ​ສະ​ຣາ​ແອນ (IAI) ແຈ້ງ​ໃຫ້​ຮູ້ເມື່ອ​ວັນ​ທີ 29 ມັງກອນ​ທີ່​ຜ່ານ​ມາ​ວ່າ ອິດ​ສະ​ຣາ​ແອນ ໄດ້​ພັດທະນາ​ອຸປະກອນ​ການບິນ​ແບບ​ບໍ່​ມີ​ຄົນ​ຂັບ (UAV) ລາຍ​ໜຶ່ງ ທີ່​ປະກອບ​ມີ​ຫຼາຍ​ຊັ້ນ ມີ​ຄວາມ​ທົນ​ທານ​ສູງ ໂດຍ​ມີ​ຊື່ວ່າ Heron MK II.

     IAI ໃຫ້​ຮູ້​ວ່າ Heron MK II ເປັນ​ຮູບ​ແບບ​ທີ່​ຫັນ​ເປັນ​ທັນ​ສະໄໝ​ຂອງ UAV Heron ຊຶ່ງ​ເປັນ​ປະເພດ​ທີ່​ກອງທັບ​ອາກາດ​ອິດ​ສະ​ຣາ​ແອນ ແລະ ອີກ 20 ອົງການ​ໃນ​ໂລກ​ນຳ​ໃຊ້. ດ້ວຍ​ການ​ນຳ​ໃຊ້​ເຕັກ​ໂນ​ໂລ​ຊີ​ໃໝ່​ຫຼ້າ​ສຸດ​ນັ້ນ Heron MK II ເປັນ​ເຮືອບິນ​ຍຸດ​ທະ​ສາດ ແລະ ໃຊ້​ໄດ້​ຫຼາຍ​ປະໂຫຍດ.

     Heron MK II ສາມາດ​ບັນລຸ​ລະດັບ​ສູງ​ກວ່າ 10.000 ແມັດ ມີ​ຄວາມ​ໄວ​ສູງ​ສຸດ​ປະມານ  259​ ກມ/ຊົ່ວໂມງ ແລະ ເຄື່ອນ​ໄຫວ​ຢ່າງ​ຕໍ່​ເນື່ອງ​ຢູ່​ກາງ​ອາກາດ​ໄດ້​ພາຍ​ໃນ 45 ຊົ່ວໂມງ. Heron MK II ສາມາດ​ເກັບ​ກຳ​ຂໍ້​ມູນ​ຂ່າວສານ​ທາງ​ລາຊະການ​ລັບ ຈາກ​ໄລຍະ​ຫ່າງ​ຫຼາຍ​ຮ້ອຍ​ກີ​ໂລ​ແມັດ ໂດຍ​ທີ່​ບໍ່​ຈຳເປັນ​ບິນ​ຂ້າມ​ຊາຍ​ແດນ.

ຂ່າວທີ່ກ່ຽວຂ້ອງ