EU ລົງ​ນາມ​ຂໍ້​ຕົກລົງ Brexit ຢ່າງ​ເປັນ​ທາງ​ການ

2.115 03 ກ.ພ. 2020 ຂ່າວຕ່າງປະເທດ
EU ລົງ​ນາມ​ຂໍ້​ຕົກລົງ Brexit ຢ່າງ​ເປັນ​ທາງ​ການ

      ຂ່າວສານ AFP ລາຍ​ງານ​ວ່າ 27 ປະເທດ​ທີ່​ຍັງ​ເຫຼືອ​ຂອງ​ສະມາຊິກ​ສະຫະພາບ​ເອີ​ຣົບ  (EU) ໄດ້​ລົງ​ນາມ​ໃສ່​ຂໍ້​ຕົກລົງ​ເລື່ອງ​ອັງກິດ​ຖອນ​ອອກ​ຈາກ EU ຫຼື​ທີ່​ເອີ້ນ​ວ່າ Brexit ນັ້ນແລ້ວ ເມື່ອ​ວັນ​ທີ 30 ມັງກອນ​ທີ່​ຜ່ານ​ມາ.

    ຖະແຫຼງການ​ສັ້ນໆ​ຂອງ​ສະພາ​ເອີ​ຣົບ ຢືນຢັນ​ວ່າ ຂໍ້​ຕົກລົງ​ກ່ຽວ​ກັບ​ການ “ແຍກ​ທາງ” ຈະ​ມີ​ຜົນ​ບັງຄັບ​ໃຊ້​ໃນ​ເວລາ 23 ໂມງ 00 (ເວລາ GMT) ຂອງ​ວັນ​ທີ 31 ມັງກອນ ຊຶ່ງ​ເປັນ​ຈຸດ ເວລາ​ທີ່​ອັງກິດ​ອອກ​ໄປ​ຈາກ EU ຢ່າງ​ເປັນ​ທາງ​ການ.

    ຖະແຫຼງການ​ກໍ​ເນັ້ນ​ໜັກ​ວ່າ ນັບ​ແຕ່​ຈຸດ​ເວລາ​ດັ່ງກ່າວ​ເປັນຕົ້ນ​ໄປ ອັງກິດ​ຈະ​ບໍ່​ເປັນ​ສະມາຊິກ EU ອີກ​ຕໍ່​ໄປ ແລະ ຈະ​ຖື​ວ່າ​ເປັນ​ປະເທດ​ທີ​ສາມ.

ຂ່າວທີ່ກ່ຽວຂ້ອງ