ແຂ່ງຂັນບານເຕະຊີງຂັນ ປະທານວິທະຍາໄລ ລາວ-ທ໊ອບ

423 05 ກ.ພ. 2020 ວົງຈອນກີລາ

   ການ​ແຂ່ງ­ຂັນ​ບານ­ເຕະ​ຊີງ​ຂັນ​ປະ­ທານ​ວິ­ທະ­ຍາ­ໄລ ລາວ-ທ໊ອບ ຄັ້ງ​ທີ I ປະ­ຈຳ​ປີ 2020 ຈັດ​ຂຶ້ນ​ວັນ​ທີ 1 ກຸມ­ພາ 2020 ຢູ່​ເດີ່ນ​ບານ­ເຕະ​ເຟີ​ຣາ​ຣີ ໂດຍ​ມີ​ທ່ານ ກວັນ ຍົງ​ວຸກ ປະ­ທານ​ວິ­ທະ­ຍາ­ໄລ ລາວ-ທ໊ອບ ພ້ອມ​ດ້ວຍ​ຮອງ​ປະ­ທານ ຜູ້­ອຳ­ນວຍ­ການ​ໂຮງ­ຮຽນ ຄູ-ອາ­ຈານ ແລະ ນັກ​ສຶກ​ສາ​ເຂົ້າ​ຮ່ວມ.

   ທ່ານ ລຳ​ໄພ ຂຸນ​ດາ​ວົງ ຜູ້­ອຳ­ນວຍ­ການ​ວິ­ທະ­ຍາ­ໄລ ລາວ-ທ໊ອບ ກ່າວ​ວ່າ: ຈຸດ­ປະ­ສົງ​ເພື່ອ​ປະ­ຕິ ບັດ​ຕາມ 5 ຫຼັກ​ມູນ​ຂອງ​ການ​ສຶກ​ສາ​ທິ​ການ ແລະ ກີ­ລາ​ວາງ​ອອກ ທັງ​ເປັນ​ການ​ສ້າງ​ຂະ​ບວນ​ຕ້ອມ​ຮັບ​ວັນ​ສ້າງ­ຕັ້ງ​ສະ­ຫະ­ພັນ​ກຳ­ມະ­ບານ​ລາວ (1 ກຸມ­ພາ) ຄົບ­ຮອບ 64 ປີ ຄັດ​ເລືອກ​ນັກ­ກີ­ລາ​ບານ­ເຕະ​ຂອງ​ວິ­ທະ­ຍາ­ໄລ ແລະ ສ້າງ​ຂະ​ບວນ​ການ​ຟົດ­ຟື້ນ ແລະ ສ້າງ​ຄວາມ​ສາ­ມັກ­ຄີ​ຮັກ­ແພງ ລະ­ຫວ່າງ​ນັກ​ສຶກ​ສາ​ແຕ່​ລະ​ສາ­ຂາ​ໃນ​ວິ­ທະ­ຍາ­ໄລ.

   ການ​ແຂ່ງ­ຂັນ​ຄັ້ງ​ນີ້ ມີ 8 ທີມ​ເຂົ້າ​ຮ່ວມ ແບ່ງ​ເປັນ 2 ກຸ່ມ ຄື: ກຸ່ມ A ມີ B-You FC The AF Galaxy FC Morning Predators FC Young Boys FC ກຸ່ມ B ມີ Black Devil FC Bullet United Best Football FC Harajuku FC ເຊິ່ງ​ການ​ແຂ່ງ­ຂັນ​ຈະ​ໃຫ້​ສຳ­ເລັດ​ໃນ​ທ້າຍ​ເດືອນ​ກຸມ­ພາ ນີ້ ໂດຍ​ທີ 1 ຈະ​ໄດ້​ຮັບ​ຂັນ 1 ໜ່ວຍ ແລະ ເງິນ​ລາ­ງວັນ 1,5 ລ້ານ​ກີບ ທີ 2 ເງິນ​ລາ­ງວັນ 1 ລ້ານ​ກີບ ທີ 3 ເງິນ​ລາ­ງວັນ 800.000 ກີບ ນອກ​ນີ້​ຍັງ​ມີ​ລາ­ງວັນ​ອື່ນໆ​ອີກ.

ຂ່າວທີ່ກ່ຽວຂ້ອງ