ຫຼາຍ​ຄົນ​ຕົກ​ເປັນ​ເຫຍື່ອ​ຂອງ​ອາວຸດ​ປືນ​ຢູ່​ໃນ​ເມັກ​ຊິກ ​ແລະ ສ ອາ​ເມ​ຣິ​ກາ

2.771 06 ກ.ພ. 2020 ຂ່າວຕ່າງປະເທດ
ຫຼາຍ​ຄົນ​ຕົກ​ເປັນ​ເຫຍື່ອ​ຂອງ​ອາວຸດ​ປືນ​ຢູ່​ໃນ​ເມັກ​ຊິກ ​ແລະ ສ ອາ​ເມ​ຣິ​ກາ

     ຂ່າວສານ​ຣອຍ​ເຕີ ລາຍ​ງານ​ວ່າ ເມື່ອ​ວັນ​ທີ 3 ກຸມພາ​ນີ້ ມື​ປືນ​ກຸ່ມ​ໜຶ່ງ ໄດ້​ໃຊ້​ອາວຸດ​ປືນ ຍິງ​ໃສ່​ຜູ້​ຄົນ​ຢ່າງ​ບໍ່​ເລືອກ​ໜ້າ ເຮັດ​ໃຫ້​ມີ​ຜູ້​ເສຍ​ຊີວິດ 9 ຄົນ ໃນ​ນັ້ນ​ມີ​ເດັກ​ຊາຍ 1 ຄົນ ທີ່​ມີ​ອາຍຸ​ພຽງ 12 ປີ ແລະ​ ເດັກ​ທີ່​ຍັງ​ບໍ່​ບັນລຸ​ນິຕິພາວະ​ອີກ 4 ຄົນ ເຫດການ​ດັ່ງກ່າວ​ເກີດ​ຂຶ້ນ ຢູ່​ໃນ​ສະຖານທີ່​ຫຼິ້ນ​ໄພ້​ແຫ່ງ​ໜຶ່ງ ຢູ່​ໃນ​ລັດ ມີ​ຈວາ​ແກນ (ພາກ​ກາງ​ປະເທດ​ເມັກ​ຊິກ).

    ໃນ​ວັນ​ທີ 3 ກຸມພາ​ເຊັ່ນ​ກັນ ເຈົ້າ​ໜ້າທີ່ ສ ອາ​ເມ​ຣິ​ກາ ແຈ້ງ​ໃຫ້​ຮູ້​ວ່າ ເປົ້າ​ໝາຍ​ຜູ້​ໜຶ່ງ​ໄດ້​ໃຊ້​ອາວຸດ​ປືນ ຍິງ​ກວາດ​ໃສ່​ຜູ້​ຄົນ​ຢ່າງ​ບໍ່​ເລືອກ​ໜ້າ ທີ່ຢູ່​ເທິງ​ລົດ​ບັດ​ຄັນ​ໜຶ່ງ​ຂອງ​ບໍລິສັດ​ຂົນສົ່ງ ເກຣ​ຮຸນ ໃນ​ຂະນະ​ທີ່​ລົດ​ດັ່ງກ່າວ​ພວມ​ແລ່ນ​ຢູ່​ລະຫວ່າງ​ທາງ​ຈາກ ​ລອສ ແອນ​ເຈີ​ລິ​​ສ ໄປ​ຍັງ​ເຂດ​ອ່າວ ຊານ ຟຣານ​ຊິ​​ສ​ໂກ ສົ່ງ​ຜົນ​ໃຫ້​ມີ​ຜູ້​ໄດ້​ຮັບ​ບາດເຈັບ 6 ຄົນ. ໃນ​ຂະນະ​ທີ່​ເກີດ​ເຫດ​ນັ້ນ ຢູ່​ໃນ​ລົດ​ບັດ​ດັ່ງກ່າວ ມີ​ຜູ້ໂດຍສານ​ລວມ 40 ຄົນ.

ຂ່າວທີ່ກ່ຽວຂ້ອງ