ຝ່າຍ​ຕ່າງໆ​ໃນ​ລີ​ບີ ​ເຫັນ​ດີ​ແກ່ຍາວ​ຂໍ້​ຕົກລົງ​ຢຸດ​ຍິງ

2.786 06 ກ.ພ. 2020 ຂ່າວຕ່າງປະເທດ
ຝ່າຍ​ຕ່າງໆ​ໃນ​ລີ​ບີ ​ເຫັນ​ດີ​ແກ່ຍາວ​ຂໍ້​ຕົກລົງ​ຢຸດ​ຍິງ

     ທ່ານ ກາ​​ສ​ຊານ ຊາ​ລາມ ທູດ​ພິເສດ​ຂອງ​ເລຂາທິການ​ໃຫຍ່​ສະຫະ​ປະຊາ​ຊາດ (​ສປຊ) ປະຈຳ​ລີ​ບີ ແຈ້ງ​ໃຫ້​ຮູ້ເມື່ອ​ວັນ​ທີ 4 ກຸມພາ​ນີ້​ວ່າ ຕົວ​ແທນ​ຂອງ​ຝ່າຍ​ຕ່າງໆ ທີ່​ກ່ຽວຂ້ອງ​ກັບ​ການ​ພິພາດ​ຢູ່​ໃນ​ລີ​ບີ ໄດ້ແກ່​ລັດຖະບານ​ສາມັກຄີ​ແຫ່ງ​ຊາດ (GNA) ແລະ​ກອງ​ກຳລັງ​ກອງທັບ​ພາກ​ຕາເວັນ​ອອກ (LNA) ໄດ້​ເຫັນ​ດີ​ເປັນ​ເອກະສັນ​ກັນ​ໃນ​ດ້ານ​ຫຼັກການ ກ່ຽວ​ກັບ​ການ​ແກ່ຍາວ​ຂໍ້​ຕົກລົງ​ຢຸດ​ຍິງ​ທີ່​ໃຊ້​ຢູ່​ໃນ​ປັດຈຸບັນ.

    ຂ່າວ​ແຈ້ງວ່າ ໃນ​ເວລາ​ນີ້ ບັນດາ​ຕົວ​ແທນ​ຂອງ GNA ແລະ LNA ພວມ​ເຂົ້າ​ຮ່ວມ​ການ​ເຈລະຈາ​ຢູ່​ທີ່​ເຊີ​ແນວ (ປະເທດ​ສະ​ວິດ) ຊຶ່ງ​ເລີ່ມ​ຂຶ້ນ​ໃນ​ວັນ 3 ກຸມພາ ພາຍ​ໃຕ້​ການ​ເປັນ​ຕົວ​ກາງ​ໄກ່​ເກ່ຍ​ຂອງ​ທ່ານ ຊາ​ລາມ.

    ຫຼັກການ​ກ່ຽວ​ກັບ​ການ​ແກ່ຍາວ​ຂໍ້​ຕົກລົງ​ຢຸດ​ຍິງ ໄດ້​ຮັບ​ການ​ຮັບຮອງ​ຕັ້ງແຕ່​ວາລະ​ການ​ປະຊຸມ​ທຳ​ອິດ. ປັດຈຸບັນ​ນີ້ ທັງ​ສອງ​ຝ່າຍ​ພວມ​ປຶກສາ​ຫາລື ກ່ຽວ​ກັບ​ເງື່ອນໄຂ​ການ​ປະຕິບັດ​ຂໍ້​ຕົກລົງ​ນັ້ນ ນອກຈາກ​ການ​ຊອກ​ຫາ​ຂໍ້​ຕົກລົງ​ຢຸດ​ຍິງ​ແບບ​ຍືນ​ຍົງ​ແລ້ວ ຕົວ​ແທນ​ຂອງ GNA ແລະ LNA ກໍ​ຄາດ​ວ່າ​ຈະ​ປະຊຸມ​ກັນ​ຢູ່​ທີ່​ນະຄອນຫຼວງ ເລີ​ແກ (ປະເທດ​ເອ​ຢິບ) ໃນ​ວັນ​ທີ 9 ກຸມພາ​ນີ້ ເພື່ອ​ປຶກສາ​ຫາລື​ກ່ຽວ​ກັບ​ການ​ຮ່ວມ​ມື​ທາງ​ດ້ານ​ເສດຖະກິດ. ຕໍ່​ຈາກ​ນັ້ນ ການ​ເຈລະຈາ​ກ່ຽວ​ກັບ​ການເມືອງ ເພື່ອ​ແກ້​ໄຂ​ການ​ພິພາດ ກໍ​ອາດ​ຈະ​ຈັດ​ຂຶ້ນ​ທີ່​ນະຄອນ​ເຊີ​ແນວ ໃນ​ອີກ 2 ອາທິດ​ຂ້າງ​ໜ້າ​ນີ້.

ຂ່າວທີ່ກ່ຽວຂ້ອງ