ເກີດ​ເຫດການ​ຢຽບ​ກັນ​​ຢູ່​ໃນ​ໂຮງຮຽນ ​ໃນ​ປະ​ເທດ​ເຄນ​ຢາ

2.810 06 ກ.ພ. 2020 ຂ່າວຕ່າງປະເທດ
ເກີດ​ເຫດການ​ຢຽບ​ກັນ​​ຢູ່​ໃນ​ໂຮງຮຽນ ​ໃນ​ປະ​ເທດ​ເຄນ​ຢາ

     ຂ່າວ​ຈາກ​ທ້ອງຖິ່ນ​ລາຍ​ງານ​ວ່າ ມີ​ນັກຮຽນ​ເສຍ​ຊີວິດ​ຢ່າງ​ໜ້ອຍ 13 ຄົນ ແລະ​ບາດເຈັບ​ອີກ​ຫຼາຍ​ສິບ​ຄົນ ຢູ່​ໃນ​ເຫດການ​ຢຽບ​ກັນ ທີ່​ເກີດ​ຂຶ້ນ​ເມື່ອ​ວັນ​ທີ 3 ກຸມພາ​ນີ້ ຢູ່​ໃນ​ໂຮງຮຽນ​ຊັ້ນ​ປະຖົມ​ແຫ່ງ​ໜຶ່ງ ໃນ​ເມືອງ ກາ​ກາ​ເມ​ກາ ໃນ​ປະເທດ​ເຄນ​ຢາ.

    ຂ່າວ​ແຈ້ງວ່າ ເຫດການ​ດັ່ງກ່າວ​ເກີດ​ຂຶ້ນ ໃນ​ໃນ​ເວລາ​ທີ່​ນັກຮຽນ​ເລີ່ມ​ເລີກ​ຮຽນ. ການ​ປະ​ເມີນ​ຜົນ​ເບື້ອງ​ຕົ້ນ ເຫັນ​ວ່າ ນັກຮຽນ​ທີ່​ເສຍ​ຊີວິດ​ທັງ 13 ຄົນ ເກີດ​ຈາກ​ການ​ລົ້ມ ແລະ ຖື​ຢຽບ​ຢູ່​ໃນ​ຕາມ​ຂັ້ນໄດ.

   ຜູ້​ເຫັນ​ເຫດການ​ເລົ່າ​ວ່າ ກ່ອນ​ທີ່​ຈະ​ເກີດ​ເຫດການ​ດັ່ງກ່າວ ມີ​ຄູ​ສອນ​ຄົນ​ໜຶ່ງ​ພວມ​ປະຕິບັດ​ວິໄນ​ຕໍ່​ນັກຮຽນ​ຄົນ​ໜຶ່ງ ແລະ ພວກ​ນັກຮຽນ​ຄົນ​ອື່ນໆ ໄດ້​ພາກັນ​ແລ່ນ​ອອກ​ຈາກ​ຫ້ອງ​ຮຽນ ຈຶ່ງ​ເຮັດ​ໃຫ້​ເກີດ​ເຫດການ​ແຫຍ່ ແລະ​ຊຸກ​ດັນ​ກັນ.

ຂ່າວທີ່ກ່ຽວຂ້ອງ