ແລ່ນ-ລານ ນວ ຕັ້ງເປົ້າຍາດເອົາຫຼຽນຄຳ ຊຽງຂວາງ ເກມ

382 07 ກ.ພ. 2020 ວົງຈອນກີລາ
ແລ່ນ-ລານ ນວ ຕັ້ງເປົ້າຍາດເອົາຫຼຽນຄຳ ຊຽງຂວາງ ເກມ

   ສະ­ຫະ­ພັນ​ກີ­ລາ​ແລ່ນ-ລານ ນະ­ຄອນ­ຫຼວງ​ວຽງ​ຈັນ (ນວ) ກຽມ​ສົ່ງ​ນັກ­ກີ­ລາ​ແລ່ນ-ລານ ຈຳ­ນວນ 35 ຄົນ ເຂົ້າ​ຮ່ວມ 40 ລາຍ­ການ ຫວັງ​ຍາດ​ເອົາ​ຫຼຽນ​ຄຳ ໃນ​ງານ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ XI ຫຼື ຊຽງ​ຂວາງ ເກມ 2020 ທີ່​ແຊວງ​ຊຽງ​ຊວາງ ເປັນ​ເຈົ້າ­ພາບ ລະ­ຫວ່າງ​ວັນ​ທີ 22 ມີ­ນາ ຫາ 1 ເມ­ສາ ໃກ້​ຈະ​ມາ​ເຖິງ​ນີ້.

   ທ່ານ ວິ­ລັດ ບຸດ​ສິງ​ຄຳ ຄູ​ເຝິກ​ກີ­ລາ​ແລ່ນ-ລານ ນວ ໃຫ້​ສຳ­ພາດ​ວ່າ: ສະ­ຫະ­ພັນ​ກີ­ລາ​ແລ່ນ-ລານ ນວ ໄດ້​ມີ​ການ​ຄັດ​ເລືອກ​ນັກ­ກີ­ລາ​ເກົ່າ ແລະ ນັກ­ກີ­ລາ​ຮຸ່ນ​ໃໝ່ (ຄັດ​ເລືອກ​ໄດ້​ຈາກ​ບັນ­ດາ​ໂຮງ­ຮຽນ​ອ້ອມ​ຂ້າງ ນວ) ໄດ້​ຕາມ​ກຳ­ນົດ ຈໍ​ນວນ 35 ຄົນ ຍິງ 17 ຄົນ ແລະ ໄລ­ຍະ​ທຳ​ອິດ ໄດ້​ເກັບ​ໂຕ​ເຝິກ­ຊ້ອມ​ມາ​ຕັ້ງ­ແຕ່​ວັນ​ທີ 15 ທັນ­ວາ 2019 ເປັນ­ຕົ້ນ​ມາ ເຊິ່ງ​ໃນ​ໄລ­ຍະ​ເດືອນ​ມັງ­ກອນ​ຜ່ານ​ມາ ພວກ​ເຮົາ​ໄດ້​ເນັ້ນ​ໃຫ້​ນັກ­ກີ­ລາ​ຮຽກ​ຄວາມ​ຟິດ​ຂອງ​ຮ່າງ­ກາຍ ທາງ​ດ້ານ​ພະ­ລະ​ກຳ­ລັງ ສ່ວນ​ໃນ​ເດືອນ​ກຸມ­ພາ​ນີ້ ຈະ​ມີ​ການ​ປະ​ເມີນ​ນັກ­ກີ­ລາ​ວ່າ​ຈະ​ມີ​ຈັກ​ຫຼຽນ ແລະ ທ້າຍ​ເດືອນ​ກຸມ­ພາ ພວກ​ເຮົາ​ຈະ​ມາ​ປະ​ເມີນ​ຕື່ມ​ອີ​ກວ່າ ຫຼຽນ​ຈະ​ອອກ​ມາ​ທໍ່​ໃດ ເນື່ອງ​ຈາກ​ປັດ­ຈຸ­ບັນ ສະ­ຖິ­ຕິ​ຂອງ​ນັກ­ກີ­ລາ​ທຸກ​ຄົນ​ແມ່ນ​ດີ​ຂຶ້ນ​ເລື້ອຍໆ ຄວາມ​ພ້ອມ​ຂອງ​ນັກ­ກີ­ລາ​ແມ່ນ 80% ແລ້ວ.

   ແນວ­ໃດ​ກໍ​ຕາມ ມາ​ຮອດ​ປັດ­ຈຸ­ບັນ ພວກ​ເຮົາ​ສາ­ມາດ​ປະ​ເມີນ​ຫຼຽນ​ຄຳ 5-6+ ໃນ​ນັ້ນ ລາຍ­ການ​ທີ່​ມີ​ຄວາມ​ຫວັງ ຄື:ແລ່ນ​ຂ້າມ​ຮົ້ວ ແລ່ນ​ວິ­ບາກ 5.000 ແມັດ 10.000 ແມັດ ເປັນ­ຕົ້ນ ເຊິ່ງ​ການ​ແຂ່ງ­ຂັນ​ແລ່ນ-ລານ ໃນ ຊຽງ​ຂວາງ ເກມ ທັບ​ນັກ­ກີ­ລາ ນວ ຈະ​ລົງ​ແຂ່ງ­ຂັນ​ຄົບ​ທັງ 40 ລາຍ­ການ ໃນ​ນັ້ນ ຍິງ 20 ລາຍ­ການ ແລະ ຊາຍ 20 ລາຍ­ການ.

ຂ່າວທີ່ກ່ຽວຂ້ອງ