ສຕລ ຄັດເລືອກນັກກີລາບານເຕະຍິງທີມຊາດ ຢູ່ 4 ແຂວງ

398 10 ກ.ພ. 2020 ວົງຈອນກີລາ
ສຕລ ຄັດເລືອກນັກກີລາບານເຕະຍິງທີມຊາດ ຢູ່ 4 ແຂວງ

   ແຜນ­ການ­ເຄື່ອນ­ໄຫວ​ຂອງ​ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລ) ປະ­ຈຳ​ປີ 2020 ຕົກ­ລົງ​ເຫັນ​ດີ​ເປັນ​ເອ­ກະ​ພາບ​ຂອງ​ອະ­ນຸ​ກຳ­ມະ­ການ​ບານ­ເຕະ​ຍິງ ສຕລ ມີ​ຈຸດ­ປະ­ສົງ​ຄັດ​ເລືອກ​ນັກ­ກີ­ລາ​ທີ່​ມີ​ພອນ​ສະ­ຫວັນ ແລະ ທັກ​ສະ ເຈົ້າ​ເປັນ​ນັກ­ກີ­ລາ​ບານ­ເຕະ​ຍິງ​ທີມ​ຊາດ​ລາວ ຮຸ່ນ​ອາ­ຍຸ​ບໍ່​ເກີນ 15 ປີ ຮຸ່ນ​ອາ­ຍຸ​ບໍ່​ເກີນ 18 ປີ ແລະ ທີມ​ບານ­ເຕະ​ຍິງ​ທີມ​ຊາດ​ລາວ​ຊຸດ​ໃຫຍ່ ເຂົ້າ​ຮ່ວມ​ການ​ແຂ່ງ­ຂັນ​ບານ­ເຕະ​ລະ­ດັບ​ນາໆຊາດ​ໃນ​ປີ 2020.

   ສຳ­ລັບ​ວັນ​ທີ 6 ກຸມ­ພາ 2020 ເວ­ລາ 15:00-18:30 ໂມງ ວັນ​ທີ 7 ກຸມ­ພາ 2020 ເວ­ລາ 09:30-11:30 ໂມງ ເວ­ລາ 15:00-18:30 ໂມງ ຈະ​ຄັດ​ເລືອກ​ຢູ່​ສະ­ໜາມ​ກີ­ລາ​ແຂວງ​ສະ­ຫວັນ​ນະ​ເຂດ ວັນ​ທີ 10 ກຸມ ພາ 2020 ເວ­ລາ 15:00-18:30 ໂມງ ວັນ​ທີ 11 ກຸມ­ພາ 2020 ເວ­ລາ 09:30-11:30 ໂມງ ເວ­ລາ 15:00-18:30 ໂມງ

ຈະ​ຄັດ​ເລືອກ​ຢູ່​ສະ­ໜາມ​ກີ­ລາ​ແຂວງ​ຈຳ­ປາ​ສັກ ວັນ​ທີ 20 ກຸມ­ພາ 2020 ເວ­ລາ 15:00-18:30 ໂມງ ວັນ​ທີ 11 ກຸມ­ພາ 2020 ເວ­ລາ 09:30–11:30 ໂມງ ແລະ ເວ­ລາ 15:00-18:30 ໂມງ ຈະ​ຄັດ​ເລືອກ​ຢູ່​ສະໜາມ​ກີ­ລາ​ແຂວງ​ຫຼວງ​ພະ​ບາງ ວັນ​ທີ 25 ກຸມ­ພາ 2020 ເວ­ລາ 15:00-18:30 ໂມງ ວັນ​ທີ 26 ກຸມ­ພາ 2020 ເວ­ລາ 09:30-11:30 ໂມງ ເວ­ລາ 15:00-18:30 ໂມງ ຈະ​ຄັດ​ເລືອກ​ຢູ່​ສະ ໜາມ​ກີ­ລາ​ແຂວງ​ໄຊ​ຍະ​ບູ​ລີ.

   ສຳ­ລັບ​ຜູ້​ສົນ­ໃຈ​ສາ­ມາດ​ໄປ​ລົງ­ທະ­ບຽນ​ໂດຍ​ບໍ່​ເສຍ​ຄ່າ ໃນ​ມື້​ທີ່​ຄັດ​ເລືອກ​ຢູ່​ສະ­ໜາມ​ຈົວ​ຂິງ ຫຼື ສອບ​ຖາມ​ຂໍ້​ມູນ​ເພີ່ມ​ຕື່ມ​ໄດ້​ທີ່​ເບີ­ໂທລະ­ສັບ 020 56703371 ແລະ 020 52512321.

ຂ່າວທີ່ກ່ຽວຂ້ອງ