ລາດທະສັກ ຫວັງປ້ອງກັນແຊັມຫຼຽນຄຳ ຊຽງຂວາງ ເກມ

394 10 ກ.ພ. 2020 ວົງຈອນກີລາ
ລາດທະສັກ ຫວັງປ້ອງກັນແຊັມຫຼຽນຄຳ ຊຽງຂວາງ ເກມ

   ທ້າວ ລາດ​ທະ​ສັກ ສຸ​ລີ​ຍະ​ວົງ ຫຼື ສິງ​ໃຫຍ່ ເຈົ້າ​ຂອງ​ແຊັມ​ຫຼຽນ​ຄຳ ອຸ­ດົມ​ໄຊ ເກມ ເມື່ອ​ປີ 2014 ຫວັງ​ຈະ​ປ້ອງ​ກັນ​ແຊັມ​ຫຼຽນ​ຄຳ ຮຸ່ນ​ນ້ຳ­ໜັກ 63,5 ກິ​ໂລ ອີກ​ໜຶ່ງ​ສະ­ໄໝ ໃຫ້​ທັບ​ນັກ­ກີ­ລາ ກະ­ຊວງ​ປ້ອງ​ກັນ​ປະ­ເທດ ຫຼື ກອງ­ທັບ ໃນ​ງານ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ Xl ຫຼື ຊຽງ​ຂວາງ ເກມ ເພື່ອ​ເປັນ­ຄວາມ​ຫວັງ​ດຽວ ໃນ​ການ​ສ້າງ​ເງື່ອນ­ໄຂ ໃຫ້​ໄດ້​ເຂົ້າ​ຮັບ​ໃຊ້​ຊາດ ຫຼື ຢາກ​ຈະ​ເປັນ​ທະ ຫານ ຕາມ​ຄວາມ​ໄຝ່​ຝັນ​ຂອງ​ຄອບ­ຄົວ ແລະ ສິ່ງ​ທີ່​ຕົນ​ເອງ​ຮັກ​ອາ­ຊີບ​ນີ້ ໃຫ້​ກາຍ­ເປັນ​ຈິງ.

   ຕາມ​ການ​ໃຫ້​ສຳ­ພາດ​ຂອງ ລາດ​ທະ​ສັກ ສຸ­ລິ­ຍະ​ວົງ ນັກ­ກີ­ລາ​ມວຍ​ຄິກ​ບ໋ອກ​ຊີງ ທີມ​ຊາດ​ລາວ ທັງ​ເປັນ​ເຈົ້າ​ຂອງ​ຫຼຽນ​ຄຳ ອຸ­ດົມ​ໄຊ ເກມ ເມື່ອ​ປີ 2014 ລູກ​ຫຼານ​ຊາວ​ເມືອງ​ໂພນ​ທອງ ແຂວງ​ຈຳ­ປາ​ສັກ ທີ່​ເກັບ​ຕົວ​ເຝິກ­ຊ້ອມ​ປັດ­ຈຸ­ບັນ​ຢູ່​ທີ່​ຄ້າຍ​ທະ­ຫານ ກອງ​ກີ­ລາ​ກອງ­ທັບ (ຫຼັກ5) ເມືອງ​ໄຊ ເສດ​ຖາ ນະ­ຄອນ­ຫຼວງ​ວຽງ​ຈັນ ໃຫ້​ຮູ້​ວ່າ: ເຫດ­ຜົນ​ທີ່​ນ້ອງ​ເລືອກ ລົງ​ຫຼິ້ນ​ໃຫ້​ທັບ​ນັກ­ກີ­ລາ​ກອງ­ທັບ ກໍ​ຍ້ອນ​ວ່າ​ເປັນ­ຄວາມ​ໄຝ່​ຝັນ​ຂອງ​ຄອບ­ຄົວ ແລະ ສິ່ງ​ທີ່​ນ້ອງ​ຢາກ​ຮັກ​ອາ­ຊີບ​ຢາກ​ເປັນ​ທະ­ຫານ​ທີ່ ສຸດ ສະ­ນັ້ນ ເພື່ອ​ຮັບ­ປະ­ກັນ​ໃນ ການ​ປ້ອງ​ກັນ​ແຊັມ​ຫຼຽນ​ຄຳ ຮຸ່ນ​ນ້ຳ­ໜັກ 63,5 ກິ​ໂລ ໃນ​ຊຽງ​ຂວາງ ເກມ ອີກ​ໜຶ່ງ​ສະ­ໄໝ ເພື່ອ​ໃຫ້​ໄດ້​ເຂົ້າ​ຮັບ​ໃຊ້​ຊາດ ນ້ອງ​ຈຶ່ງ ເລີ່ມ​ເຂົ້າ​ສູນ​ເຝິກ­ຊ້ອມ​ກັບ​ກອງ ທັບ ມາ​ແຕ່​ຕົ້ນ​ເດືອນ​ມັງ­ກອນ​ຜ່ານ​ມາ ໂດຍ​ແມ່ນ​ຄູ​ເຝິກ​ຂອງ​ກອງ­ທັບ​ເປັນ​ຜູ້​ເຝິກ­ຊ້ອມ​ໃຫ້ ນັບ​ມາ​ຮອດ​ປັດ­ຈຸ­ບັນ​ກໍ​ມີ​ຄວາມ​ພ້ອມ​ເກືອບ 10% ຍັງ​ເຫຼືອ​ພຽງ​ແຕ່​ດ້ານ​ພະ­ລະ​ກຳ­ລັງ ແລະ ເພີ່ມ​ເຕັກ­ນິກ ແລະ ທັກ​ສະ­ການ​ຕີ­ມວຍ​ລາວ ເຂົ້າ​ຕື່ມ​ອີກ.

   ສຳ­ລັບ​ຜົນ­ງານ​ຂອງ ລາດ​ທະ​ສັກ ສຸ­ລິ­ຍະ​ວົງ ໃນ​ງານ​ກີ­ລາ​ແຫ່ງ​ຊາດ ຫຼ້າ​ສຸດ​ໃນ ອຸ­ດົມ​ໄຊ ເກມ ສາ­ມາດ​ສ້າງ​ຜົນ­ງານ​ຄວ້າ​ຫຼຽນ​ຄຳ ໃນ​ຮຸ່ນ​ນ້ຳ­ໜັກ 63,5 ກິ​ໂລ  ໃຫ້​ແຂວງ​ເຊ​ກອງ ແລະ ເມື່ອ​ບໍ່​ດົນ​ມາ​ນີ້ ກໍ​ຂຶ້ນ​ຊົກ​ໃນ​ວັນ​ເສົາ​ເຖິງ 2 ອາ­ທິດ​ຊ້ອນ ກໍ​ຄື ຂຶ້ນ​ຊົກ­ມວຍ​ຊອງ 8 ເຊິ່ງ​ເປັນ​ລາຍ­ການ ຮາດ​ຄໍ ຊົກ 3 ຍົກ ສາ­ມາດ​ເອົາ​ຊະ­ນະ​ນັອກ​ນັກ​ມວຍ​ໄທ​ໃນ​ຍົກ​ທຳ​ອິດ ກ່ອນ​ຈະ​ບິນ​ໄປ ຊົກ​ທີ່​ນະ­ຄອນ​ກົວ​ລາ​ລຳ​ເປີ ປະ­ເທດ​ມາ​ເລ​ເຊຍ ຕີ 5 ຍົກ ສະ­ເໝີ​ນັກ­ຊົກ­ມວຍ​ມາ​ເລ​ເຊຍ.

ຂ່າວທີ່ກ່ຽວຂ້ອງ