ນວ ຄວ້າແຊັມເຕະບານ ອຸ່ນເຄື່ອງກ່ອນ ຊຽງຂວາງ ເກມ

396 11 ກ.ພ. 2020 ວົງຈອນກີລາ
ນວ ຄວ້າແຊັມເຕະບານ ອຸ່ນເຄື່ອງກ່ອນ ຊຽງຂວາງ ເກມ

   ການ​ແຂ່ງ­ຂັນ​ກີ­ລາ​ບານ­ເຕະ​ມິດ­ຕະ­ພາບ 4 ທີມ ເພື່ອ​ກຽມ​ຄວາມ​ພ້ອມ​ທົດ​ສອບ​ທີມ​ກ່ອນ​ເຂົ້າ​ຮ່ວມ​ການ​ແຂ່ງ­ຂັນ​ກີ­ລາ​ບານ­ເຕະ​ຊາຍ ງານ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ 11 ຫຼື ຊຽງ​ຂວາງ ເກມ ທີ່​ແຂວງ​ຊຽງ​ຂວາງ ລະ­ຫວ່າງ​ວັນ​ທີ 22 ມີ­ນາ ຫາ​ວັນ​ທີ 1 ເມ­ສາ 2020 ໂດຍ 4 ທີມ​ມີ: ນະ­ຄອນ­ຫຼວງ​ວຽງ​ຈັນ (ນວ) ເຈົ້າ­ພາບ ແຂວງ​ຊຽງ​ຂວາງ ເຈົ້າ­ພາບ​ກີ­ລາ​ແຫ່ງ​ຊາດ ແຂວງ​ສະ­ຫວັນ​ນະ​ເຂດ ຮອງ​ແຊັມ​ກີ­ລາ​ແຫ່ງ​ຊາດ ຄັ້ງ​ທີ X ອຸ­ດົມ​ໄຊ​ເກມ ປີ 2014 ແລະ ແຂວງ​ຜົ້ງ​ສາ­ລີ ເຊິ່ງ​ຮູບ​ແບບ​ການ​ແຂ່ງ­ຂັນ​ແບບ​ພົບ​ກັນ​ໝົດ ແລ້ວ​ເອົາ 2 ທີມ​ທີ່​ມີ​ຜົນ­ງານ​ດີ​ທີ່​ສຸດ​ເຂົ້າ​ຊີງ​ຊະ­ນະ​ເລີດ ແຂ່ງ​ທີ່​ສະ­ໜາມ​ກີ­ລາ​ເຈົ້າ​ອະ­ນຸ­ວົງ  ນວ ລະ­ຫວ່າງ​ວັນ​ທີ 4 ຫາ​ວັນ​ທີ 8 ກຸມ­ພາ 2020.

   ນັດ​ຊີງ​ຊະ­ນະ​ເລີດ ວັນ​ທີ 8 ກຸມ­ພາ 2020 ນວ ເອົາ​ຊະ­ນະ ແຂວງ​ຊຽງ​ຂວາງ 4-0 ໄດ້​ປະ­ຕູ​ຈາກ ບຸນ​ພະ­ຈັນ ບຸນ​ກອງ ຄຳ​ມະ­ນີ ທອງ​ດາ​ວົງ ພູ­ທອນ ອິ​ນາ​ໄລ ແລະ ໂຈ​ນີ້ ແຫວນ​ປະ­ເສີດ ນວ ຄວ້າ​ແຊັມ​ຮັບ​ຂັນ​ເຈົ້າ​ຄອງ ນວ ພ້ອມ​ເງິນ​ລາ­ງວັນ 10 ລ້ານ​ກີບ ແຂວງ​ຊຽງ​ຂວາງ ຮອງ​ແຊັມ​ຮັບ​ເງິນ​ລາ­ງວັນ 7 ລ້ານ​ກີບ ຂະ­ນະ​ທີ່​ອັນ​ດັບ 3 ຮ່ວມ ແຂວງ​ສະ­ຫວັນ​ນະ​ເຂດ ແລະ ແຂວງ​ຜົ້ງ​ສາ­ລີ ຮັບ​ເງິນ​ລາ­ງວັນ 4 ລ້ານ​ກີບ.

   ສຳ­ລັບ​ຜົນ­ງານ​ໃນ​ຮອບ​ຄັດ​ເລືອກ​ທັງ 4 ທີມ: ນັດ​ທີ 1 ນວ ເອົາ​ຊະ­ນະ ຊຽງ​ຂວາງ 3-2 ສະ­ຫວັນ​ນະ​ເຂດ ເອົາ​ຊະ­ນະ ຜົ້ງ​ສາ­ລີ 2-1 ນັດ​ທີ 2 ນວ ເອົາ​ຊະ­ນະ ສະ­ຫວັນ​ນະ​ເຂດ 2-0 ຊຽງ​ຂວາງ ເອົາ​ຊະ­ນະ ຜົ້ງ​ສາ­ລີ 1-0 ນັດ​ທີ 3 ນວ ເອົາ​ຊະ­ນະ ຜົ້ງ​ສາ­ລີ 2-1 ຊຽງ​ຂວາງ ເອົາ​ຊະ­ນະ ສະ­ຫວັນ​ນະ​ເຂດ 1-0.

ຂ່າວທີ່ກ່ຽວຂ້ອງ