ປະທານປະເທດ ແຫ່ງ ສປປ ລາວ ສຳເລັດການຢ້ຽມຢາມລັດຖະກິດ ລາຊະອານາຈັກ ກຳປູເຈຍ

609 11 ກ.ພ. 2020 ຂ່າວໜ້າ​ໜຶ່ງ
ປະທານປະເທດ ແຫ່ງ ສປປ ລາວ ສຳເລັດການຢ້ຽມຢາມລັດຖະກິດ ລາຊະອານາຈັກ ກຳປູເຈຍ

   ໂດຍ​ຕອບ​ສະ­ໜອງ​ຕາມ​ການ​ເຊື້ອ​ເຊີນ​ຂອງ​ພະ​ບາດ ສົມ­ເດັດ ພະ​ບໍ​ຣົມ​ມະ​ນຽດ ໂນ​ໂຣ​ດົມ ສີ​ຫາ​ໂມ​ນີ ພະ​ມະ­ຫາ​ກະ­ສັດ ແຫ່ງ ລາ­ຊະ​ອາ­ນາ­ຈັກ​ກຳ­ປູ­ເຈຍ ພະ­ນະ​ທ່ານ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ ແຫ່ງ ສາ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນ​ລາວ ພ້ອມ​ດ້ວຍ​ຄະ­ນະ​ຜູ້​ແທນ​ຂັ້ນ​ສູງ​ຂອງ ສປປ ລາວ ໄດ້​ເດີນ­ທາງ​ຢ້ຽມ­ຢາມ​ລັດ​ຖະ​ກິດ ທີ່​ລາ­ຊະ​ອາ­ນາ­ຈັກ ກຳ­ປູ­ເຈຍ ໃນ​ລະ­ຫວ່າງ​ວັນ​ທີ 09-10 ກຸມ­ພາ​ນີ້.

   ວັນ​ທີ 9 ກຸມ­ພາ 2020 ຄະ­ນະ​ຜູ້​ແທນ​ຂັ້ນ​ສູງ​ຂອງ ສປປ ລາວ ນຳ​ໂດຍ​ພະ­ນະ​ທ່ານ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ ແຫ່ງ ສປປ ລາວ ໄດ້​ເດີນ­ທາງ​ເຖິງ​ນະ­ຄອນ­ຫຼວງ​ພະ­ນົມ​ເປັນ ແລະ ໄດ້​ມີ​ພິ­ທີ​ຕ້ອນ­ຮັບ​ຢ່າງ​ເປັນ​ທາງ​ການ ແລະ ສົມ​ກຽດ ໂດຍ​ພະ​ບາດ​ສົມ­ເດັດ ພະ​ບໍ​ຣົມ​ມະ​ນຽດ ໂນ​ໂຣ​ດົມ ສີ​ຫາ​ໂມ​ນີ ພະ​ມະ­ຫາ​ກະ­ສັດ ແຫ່ງ ລາ­ຊະ​ອາ­ນາ­ຈັກ ກຳ­ປູ­ເຈຍ ທີ່​ພະ­ລາດ​ຊະ​ວັງ ຫຼັງ​ສຳ­ເລັດ​ພິ­ທີ​ຕ້ອນ­ຮັບ​ຢ່າງ​ເປັນ​ທາງ​ການ ກໍ​ໄດ້​ມີ​ການ​ພົບ​ປະ​ລະ­ຫວ່າງ​ສອງ​ປະ­ມຸກ​ລັດ ລາວ-ກຳ­ປູ­ເຈຍ ໃນ​ໂອ­ກາດ​ພົບ​ປະ​ຄັ້ງ​ນີ້ ພະ­ນະ​ທ່ານ​ປະ­ທານ​ປະ­ເທດ ບຸນ​ຍັງ ວໍ­ລະ​ຈິດ ໄດ້​ສະ­ແດງ​ຄວາມ​ຂອບ­ໃຈ​ຕໍ່​ການ​ຕ້ອນ­ຮັບ​ຢ່າງ​ອົບ​ອຸ່ນ ດ້ວຍ​ນ້ຳ­ໃຈ​ໄມ­ຕີ​ຈິດ​ມິດ­ຕະ­ພາບ​ອັນ​ປະ​ທັບ​ໃຈ ແລະ ສະ­ແດງ​ຄວາມ​ຂອບ­ໃຈ​ຕໍ່​ພະ​ບາດ ສົມ­ເດັດ ພະ​ບໍ​ຣົມ​ມະ​ນຽດ ໂນ​ໂຣ​ດົມ ສີ​ຫາ​ໂມ​ນີ ທີ່​ໄດ້​ໃຫ້­ການ​ເຊື້ອ​ເຊີນ​ມາ​ຢ້ຽມ­ຢາມ​ລັດ​ຖະ​ກິດ ທີ່​ລາ­ຊະ​ອາ­ນາ­ຈັກ ກຳ­ປູ­ເຈຍ ເປັນ​ຄັ້ງ​ທີ 2 ເຊິ່ງ​ເປັນ​ການ​ປະ­ກອບ­ສ່ວນ​ອັນ​ສຳ­ຄັນ ເຂົ້າ​ໃນ​ການ​ເສີມ​ຂະ­ຫຍາຍ​ສາຍ​ພົວ­ພັນ​ລະ­ຫວ່າງ​ສອງ​ປະ­ເທດ ລາວ-ກຳ­ປູ­ເຈຍ.

   ໃນ​ຖາ­ນະ​ເປັນ​ເພື່ອນ​ມິດ​ສະ­ໜິດ­ສະ­ໜົມ ເປັນ​ບ້ານ​ໃກ້​ເຮືອນ​ຄຽງ ບ້ານ​ພີ່​ເມືອງ​ນ້ອງ ບ້ານ​ແກ່ວ​ເມືອງ​ດອງ ແລະ ມີ​ຮີດ­ຄອງ​ປະ­ເພ­ນີ​ຄ້າຍ­ຄື​ກັນ ທີ່​ມີ​ມູນ­ເຊື້ອ​ແຫ່ງ​ການ​ພົວ­ພັນ​ອັນ​ດີ­ງາມ ມາ​ແຕ່​ບູ­ຮານ​ນະ​ການ ພະ­ນະ​ທ່ານ​ປະ­ທານ​ປະ­ເທດ ບຸນ​ຍັງ ວໍ­ລະ​ຈິດ ຍັງ​ໄດ້​ຝາກ​ຄວາມ​ຢື້​ຢາມ​ຖາມ​ຂ່າວ​ເຖິງ ສົມ­ເດັດ ພະ​ມານ​ດາ​ຂອງ​ພະ​ມະ­ຫາ​ກະ­ສັດ ແຫ່ງ ລາ­ຊະ​ອາ­ນາ­ຈັກ ກຳ­ປູ­ເຈຍ ສອງ​ຝ່າຍ​ໄດ້​ຕີ​ລາ­ຄາ​ສູງ​ຕໍ່​ສາຍ​ພົວ ພັນ​ອັນ​ດີ​ຖານ​ອ້າຍ​ນ້ອງ​ທີ່​ມີ​ມູນ­ເຊື້ອ​ລະ­ຫວ່າງ​ສອງ​ປະ­ເທດ ແລະ ປະ­ຊາ­ຊົນ​ສອງ​ຊາດ​ລາວ ແລະ ກຳ­ປູ­ເຈຍ ແລະ ມີ​ຄວາມ​ເຂົ້າ​ອົກ​ເຂົ້າ­ໃຈ​ກັນ​ສູງ​ຕໍ່​ການ​ພົວ­ພັນ​ສອງ​ຝ່າຍ ບໍ່​ວ່າ​ໃນ​ໄລ­ຍະ​ຕໍ່­ສູ້​ກູ້​ຊາດ ກໍ​ຄື ໄລ­ຍະ​ປົກ​ປັກ​ຮັກ­ສາ ແລະ ສ້າງ­ສາ​ປະ­ເທດ​ຊາດ ສອງ​ຝ່າຍ ຍັງ​ໄດ້​ເນັ້ນ​ຢ້ຳ​ຄວາມ​ສຳ­ຄັນ​ໃນ​ການ​ຍົກ​ລະ­ດັບ​ສາຍ​ພົວ­ພັນ ລະ­ຫວ່າງ ສອງ​ປະ­ເທດ ລາວ-ກຳ ປູ​ເຈຍ ຂຶ້ນ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ­ດ້ານ ແລະ ໝັ້ນ­ຄົງ​ຍາວ​ນານ ໃນ​ປີ 2019 ຜ່ານ​ມາ ແລະ ເຫັນ​ດີ​ມອບ​ໃຫ້​ພາກ­ສ່ວນ​ກ່ຽວ­ຂ້ອງ​ຂອງ​ສອງ​ປະ­ເທດ​ຮ່ວມ​ມື ແລະ ເຮັດ​ວຽກ​ຮ່ວມ​ກັນ​ຢ່າງ​ໃກ້­ຊິດ​ຂຶ້ນ​ອີກ​ໃນ​ຂົງ­ເຂດ​ການ­ເມືອງ ເສດ­ຖະ­ກິດ ວັດ­ທະ­ນະ­ທຳ ສັງ­ຄົມ ປ້ອງ​ກັນ​ຊາດ ປ້ອງ​ກັນ​ຄວາມ​ສະ­ຫງົບ ການ​ແຜ່​ລະ­ບາດ​ຂອງ​ພະ­ຍາດ​ຕິດ­ຕໍ່ ແລະ ອື່ນໆ.

   ສຳ­ລັບ​ວຽກ​ງານ​ຊາຍ​ແດນ ສອງ​ຝ່າຍ​ໄດ້​ມອບ​ໃຫ້​ພາກ­ສ່ວນ​ທີ່​ກ່ຽວ­ຂ້ອງ​ສອງ​ປະ­ເທດ​ຮ່ວມ​ກັນ ປືກ​ສາ​ຫາ­ລື​ກັນ ແລະ ເອົາ­ໃຈ­ໃສ່​ຈັດ​ຕັ້ງ​ປະ­ຕິ­ບັດ​ຕາມ​ການ​ຕົກ­ລົງ​ຂອງ​ສອງ​ນາ­ຍົກ­ລັດ­ຖະ­ມົນ­ຕີ ລະ­ຫວ່າງ​ພະ­ນະ​ທ່ານ ທອງ​ລຸນ ສີ​ສຸ​ລິດ ແລະ ສົມ­ເດັດ ອັກ­ຄະ­ມະ­ຫາ­ເສ­ນາ​ບໍ­ດີ ເຕ​ໂຈ​ຮຸນ​ແຊນ ໃນ​ໄລ­ຍະ​ຜ່ານ​ມາ ສອງ​ຝ່າຍ​ຍັງ​ໄດ້​ເຫັນ​ດີ​ສືບ­ຕໍ່​ເສີມ​ຂະ­ຫຍາຍ​ສາຍ​ພົວ­ພັນ ແລະ ການ​ຮ່ວມ​ມື​ທີ່​ແໜ້ນ​ແຟ້ນ ແລະ ສືບ­ຕໍ່​ຮັກ­ສາ​ມູນ­ເຊື້ອ​ສາຍ­ສຳ­ພັນ​ລະ­ດັບ​ສູງ​ສຸດ ແລະ ສ້າງ­ສັນ​ລະ­ຫວ່າງ​ສອງ​ປະ­ເທດ ໃຫ້​ໝັ້ນ­ຄົງ​ທະ​ນົງ​ແກ່ນ​ຕະ­ຫຼອດ​ໄປ ການ​ພົບ​ປະ​ຄັ້ງ​ນີ້​ໄດ້​ເປັນ​ພື້ນ­ຖານ​ອັນ​ໜັກ​ແໜ້ນ​ຕໍ່​ການ ເພີ່ມ​ທະ­ວີ​ສາຍ​ພົວ­ພັນ​ຮອບ­ດ້ານ​ລະ­ຫວ່າງ​ສອງ​ປະ­ເທດ ກໍ​ຄື ປະ­ຊາ­ຊົນ​ສອງ​ຊາດ ໃນ​ຕອນ​ທ້າຍ ພະ­ນະ​ທ່ານ​ປະ­ທານ​ປະ­ເທດ ບຸນ​ຍັງ ວໍ­ລະ​ຈິດ ຍັງ​ໄດ້​ເຊື້ອ​ເຊີນ​ພະ​ບາດ​ສົມ­ເດັດ ພະ​ບໍ​ຣົມ​ມະ​ນຽດ ໂນ​ໂຣ​ດົມ ສີ​ຫາ​ໂມ​ນີ ສະ­ເດັດ​ຢ້ຽມ­ຢາມ ສປປ ລາວ ໃນ​ເວ­ລາ​ທີ່​ເໝາະ​ສົມ ເພື່ອ​ເປັນ​ການ​ປະ­ກອບ­ສ່ວນ​ເຂົ້າ​ໃນ​ການ​ເສີມ​ສ້າງ​ສາຍ​ພົວ­ພັນ​ລະ­ຫວ່າງ​ສອງ​ປະ­ເທດ ໃນ​ໄລ­ຍະ​ໃໝ່​ໃຫ້​ນັບ​ມື້​ນັບ​ຂະ­ຫຍາຍ­ຕົວ​ຍິ່ງໆ​ຂຶ້ນ.

   ຈາກ​ນັ້ນ ພະ­ນະ​ທ່ານ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ ຍັງ​ໄດ້​ນຳ­ພາ​ຄະ­ນະ​ເຂົ້າ​ວາງ​ພວງ­ມາ­ລາ ທີ່​ອະ­ນຸ­ສາ­ວະ­ລີ​ນັກ­ຮົບ​ນິ­ລະ­ນາມ ແລະ ອາ​ນຸ​ສາ​ອະ​ລີ​ພະ​ບາດ​ສົມ­ເດັດ ໂນ​ໂຣ​ດົມ ສີ​ຫາ​ນຸ ໃນ​ວັນ​ດຽວ​ກັນ ພະ­ນະ​ທ່ານ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ ພ້ອມ​ຄະ­ນະ ໄດ້​ພົບ​ປະ​ກັບ​ສົມ­ເດັດ ອັກ­ຄະ­ມະ­ຫາ­ເສ­ນາ​ບໍ­ດີ ເຕ​ໂຈ​ຮຸນ​ແຊນ ນາ­ຍົກ­ລັດ­ຖະ­ມົນ­ຕີ ແຫ່ງ ລາ­ຊະ​ອາ­ນາ­ຈັກ ກຳ­ປູ­ເຈຍ ສົມ­ເດັດ ອັກ​ຄະ­ມະ​ຫາ ໂປ​ເຢີຍ ຈັກ​ກຣີ ເຮັງ ຊຳ​ຣິນ ປະ­ທານ​ສະ­ພາ​ແຫ່ງ​ຊາດ ແຫ່ງ ລາ­ຊະ​ອາ­ນາ­ຈັກ ກຳ­ປູ­ເຈຍ ແລະ ສົມ­ເດັດ ວິ­ບູນ ເສ­ນາ ແພະ​ກະ­ໄດ ຊາຍ​ຊຸມ ປະ­ທານ​ສະ­ພາ​ສູງ ແຫ່ງ ລາ­ຊະ​ອາ­ນາ­ຈັກ ກຳ­ປູ­ເຈຍ ໃນ​ໂອ­ກາດ​ພົບ​ປະ​ຄັ້ງ​ນີ້ ສອງ​ຝ່າຍ​ໄດ້​ແຈ້ງ​ສະ­ພາບ​ການ​ໂດຍ​ຫຍໍ້​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ແຕ່​ລະ​ປະ­ເທດ​ໃຫ້​ກັນ​ຊາບ ສະ­ແດງ​ຄວາມ​ຊົມ­ເຊີຍ​ຕໍ່​ການ​ຮ່ວມ​ມື​ທີ່​ມີ​ຜົນ­ສຳ­ເລັດ​ໃນ​ໄລ­ຍະ​ຜ່ານ​ມາ ໂດຍ​ສະ­ເພາະ ພາຍ­ຫຼັງ​ການ​ຍົກ​ລະ­ດັບ​ສາຍ​ພົວ­ພັນ​ເປັນ​ຄູ່​ຮ່ວມ​ມື​ຢຸດ​ທະ​ສາດ​ຮອບ­ດ້ານ ແລະ ໝັ້ນ­ຄົງ​ຍາວ​ນານ ແລະ ຍັງ​ໄດ້​ແລກ­ປ່ຽນ​ຄຳ​ຄິດ​ຄຳ​ເຫັນ​ຕໍ່​ກັບ​ສະ­ພາບ​ການ​ຢູ່​ໃນ​ພາກ​ພື້ນ ແລະ ສາ­ກົນ ທີ່​ສອງ​ຝ່າຍ​ມີ​ຄວາມ​ສົນ­ໃຈ​ຮ່ວມ​ກັນ.

   ໃນ​ວັນ​ດຽວ​ກັນ ທີ່​ພະ­ລາດ​ຊະ​ວັງ ພະ​ບາດ​ສົມ­ເດັດ ພະ​ບໍ​ຣົມ​ມະ​ນຽດ ໂນ​ໂຣ​ດົມ ສີ​ຫາ​ໂມ​ນີ ພະ​ມະ­ຫາ​ກະ­ສັດ ແຫ່ງ ລາ­ຊະ​ອາ­ນາ­ຈັກ ກຳ­ປູ­ເຈຍ ໄດ້​ເປັນ​ເຈົ້າ­ພາບ​ຈັດ​ງານ​ລ້ຽງ​ອາ­ຫານ​ຄ່ຳ​ເພື່ອ​ເປັກ​ກຽດ​ແກ່​ພະ­ນະ​ທ່ານ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ ແລະ ຄະ­ນະ ໃນ​ໂອ­ກາດ​ທີ່​ເດີນ­ທາງ​ມາ​ຢ້ຽມ­ຢາມ​ທາງ​ລັດ​ຖະ​ກິດ ລາ­ຊະ​ອາ­ນາ­ຈັກ ກຳ­ປູ­ເຈຍ.

ຂ່າວທີ່ກ່ຽວຂ້ອງ