ແຂ່ງຂັນເຕະບານຊີງຂັນປະທານ ສຕລ

375 12 ກ.ພ. 2020 ວົງຈອນກີລາ
ແຂ່ງຂັນເຕະບານຊີງຂັນປະທານ ສຕລ

   ການ​ແຂ່ງ­ຂັນ​ຮຸ່ນ​ອາ­ຍຸ​ບໍ່​ເກີນ 12 ປີ ຫຼື ຢູ-12 ຊີງ​ຂັນ​ປະ­ທານ​ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ (ສຕລ) ປະ­ຈຳ​ປີ 2020 ຈັດ​ຂຶ້ນ​ວັນ​ທີ 8 ກຸມ­ພາ 2020 ຢູ່​ສະ­ໜາມ​ກີ­ລາ​ເຕະ­ບານ​ຫຍ້າ​ທຽມ​ສູນ​ເຝິກ​ບານ­ເຕະ​ແຫ່ງ​ຊາດ ບ້ານ​ຫ້ວຍ​ຫົງ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ ມີ 15 ທີມ​ເຂົ້າ​ຮ່ວມ ແບ່ງ​ອອກ​ເປັນ 2 ກຸ່ມ ແຕ່​ລະ​ກຸ່ມ​ແຂ່ງ­ຂັນ​ພົບ​ກັນ​ໝົດ ຄັດ​ເອົາ​ທີ 1-2 ຂອງ​ທັງ​ສອງ​ກຸ່ມ​ຜ່ານ​ເຂົ້າ​ຮອບ 4 ທີມ​ສຸດ​ທ້າຍ ການ​ແຂ່ງ­ຂັນ​ຈັດ​ຂຶ້ນ​ພາຍ​ໃນ 4 ອາ­ທິດ ແຂ່ງ­ຂັນ​ສະ­ເພາະ​ແຕ່​ວັນ​ເສົາ ທີມ 1 ໄດ້​ລົງ​ແຂ່ງ­ຂັນ 2 ນັດ​ຕິດ­ຕໍ່​ກັນ​ທັງ​ພາກ​ເຊົ້າ ແລະ ພາກ​ບ່າຍ.

   ສຳ­ລັບ​ກຸ່ມ A ປະ­ກອບ​ມີ ລ໋ອບ​ສະ​ເຕ​ດ້ຽມ​ວຽງ​ຈັນ ເອັຟ​ທີ​ແຟມ​ມີ​ລີ​ໂຮງ­ຮຽນ​ນາໆຊາດ​ອົດ​ສະ​ຕຣາ​ລີ (ວຽງ​ຈັນ​ເອັບ​ເອ) ທີມ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ແລະ ຊ້າງ​ນ້ອຍ ເອັຟ​ຊີ ສ່ວນ​ກຸ່ມ B ດີ​ເຄ​ເຄ​ພີ​ເອັດ ເຄ​ເອັນ​ຊີ​ແຄນ​ລາວ​ມາ​ສ​ເຕີ​ເຊ​ເວັນ​ທີ​ຊີ ເອັຟ​ຊີ​ເຈົ້າ​ພະ­ຍາ 214 ແລະ ແບ​ລາວ.

   ສ່ວນ​ຜົນ​ການ​ແຂ່ງ­ຂັນ​ໂດຍ​ສະ­ເພາະ​ກຸ່ມ A ທີມ​ວຽງ​ຈັນ​ເອັຟ​ທີ ​ລົງ​ສະ­ໜາມ​ໃນ​ນັດ​ທີ 2 ເອົາ​ຊະ­ນະ ທີມ​ແຟ​ມິ​ລີ 11-0 ປະ­ຕູ ເກັບ 3 ຄະ­ແນນ ພ້ອມ​ທັງ​ຫຍັບ​ຂຶ້ນ​ໄປ​ຢູ່​ອັນ​ດັບ​ທີ 2 ຂອງ​ກຸ່ມ ຕົກ​ເປັນ​ຮອງ​ພຽງ ສະ­ໂມ­ສອນ ລ໋ອບ ສະ​ເຕ​ດ້ຽມ ມີ​ໄຊ 2 ນັດ​ລວດ ຊະ­ນະ​ວຽງ​ຈັນ ເອັຟ​ທີ 5-0 ແລະ ຊະ­ນະ ເອ​ໄອ​ເອັດ 7-0 ປະ­ຕູ ລວມ​ມີ 6 ຄະ­ແນນ​ຂະ­ນະ​ທີ່​ຜົນ​ຄູ່​ອື່ນໆ​ຂອງ​ກຸ່ມ A ຄື ຊ້າງ​ນ້ອຍ ຊະ­ນະ ນະ­ຄອນ­ຫຼວງ 3-0 ປະ­ຕູ ແລະ ທີມ​ນະ­ຄອນ­ຫຼວງ ເສຍ​ໃຫ້ທີມ ມຊ 0-3 ປະ­ຕູ ແລະ ເອ​ໄອ​ເອັດ ຊະ­ນະ ແຟ​ມີ​ລີ 9-0 ປະ­ຕູ.

   ກຸ່ມ B ເຄ​ເອັນ​ຊີ ຊະ­ນະ ແຄນ​ລາວ 4-1 ປະ­ຕູ​ດີ​ເຄ ຊະ­ນະ ເຄ​ພີ​ເອັດ 1-0 ປະ­ຕູ​ເຈົ້າ​ພະ­ຍາ 214 ເສຍ​ໃຫ້ ແບ​ລາວ 1-3 ປະ­ຕູ​ມາ​ສ​ເຕີ ເຊ​ເວັນ ຖືກ ທີ​ຊີ ຖະ​ຫຼົ່ມ 10-1 ປະ­ຕູ​ດີ​ເຄ ຊະ­ນະ ແຄນ​ລາວ 2-0 ປະ­ຕູ ເຄ​ພີ​ເອັດ ເສຍ​ໃຫ້ ເຄ​ເອັນ​ຊີ 2-3 ປະ­ຕູ ມາ​ສ​ເຕີ ເຊ​ເວັນ ເສຍ​ໃຫ້ ແບ​ລາວ 3-4 ປະ­ຕູ ແລະ ເຈົ້າ​ພະ­ຍາ 214 ເສຍ​ໃຫ້ ທີ​ຊີ 3-0 ປະ­ຕູ.

ຂ່າວທີ່ກ່ຽວຂ້ອງ