ຕາຕະລາງແຂ່ງຂັນ ແລະ ຫຼຽນລາງວັນ ຊຽງຂວາງເກມ

387 12 ກ.ພ. 2020 ວົງຈອນກີລາ
ຕາຕະລາງແຂ່ງຂັນ ແລະ ຫຼຽນລາງວັນ ຊຽງຂວາງເກມ

   ຄະ­ນະ​ກຳ­ມະ­ການ​ຈັດ­ການ​ແຂ່ງ­ຂັນ​ງານ​ມະ­ຫາ​ກຳ​ກີ­ລາ​ແຫ່ງ​ຊາດ ຄັ້ງ​ທີ 11 ຫຼື ຊຽງ​ຂວາງ​ເກມ ທີ່​ແຂວງ​ຊຽງ​ຂວາງ ໄດ້​ຈັດ​ແບ່ງ​ຕາ­ຕະ­ລາງ​ແຂ່ງ­ຂັນ ແລະ ຫຼຽນ​ລາ­ງວັນ​ຂອງ​ແຕ່​ລະ​ປະ­ເພດ​ກີ­ລາ​ອອກ​ມາ​ເປັນ​ທີ່​ຮຽບ​ຮ້ອຍ ເລີ່ມ​ຈາກ​ແຂ່ງ​ແຕ່​ວັນ​ທີ 18 ມີ­ນາ 2020 ກ່ອນ​ມື້​ເປີດ​ງານ​ໃນ​ວັນ​ທີ 22 ມີ­ນາ ແລະ ຈະ​ດຳ­ເນີນ​ການ​ແຂ່ງ­ຂັນ​ເຖິງ​ວັນ​ທີ 31 ມີ­ນາ ສ່ວນ​ວັນ​ທີ 1 ເມ­ສາ 2020 ເປັນ​ມື້​ປິດ​ງານ.

   ສະ­ເພາະ​ກີ­ລາ​ບານ­ເຕະ​ຊາຍ ເລີ່ມ​ແຂ່ງ­ຂັນ​ວັນ​ທີ 19-31 ມີ­ນາ ທີ່​ສະ­ໜາມ​ເປີດ-ປິດ (ຄັງ​ໜອງ​ຫຼວງ) ຊີງ1 ຫຼຽນ​ຄຳ ຂະ­ນະ​ທີ່​ເຕະ­ບານ​ຍິງ​ແຂ່ງ­ຂັນ​ວັນ​ທີ 21-31 ທີ່​ສະ­ໜາມ​ກີ­ລາ​ແຂວງ (ບ້ານ​ໂພນ​ມີ​ໄຊ) ຊີງ 1 ຫຼຽນ​ຄຳ ໝາກ​ຂ່າງ​ແຂ່ງ­ຂັນ​ວັນ​ທີ 23-29 ຊີງ 9 ຫຼຽນ​ຄຳ ຍິງ 3 ຊາຍ 3 ແລະ ຄູ່​ປະ­ສົມ 3 ຫຼຽນ ໜ້າ​ເກັກ​ແຂ່ງ​ວັນ​ທີ 23-29 ຊີງ 12 ຫຼຽນ​ຄຳ ຍິງ 6 ຊາຍ 6 ຍິງ​ທະ­ນູ​ແຂ່ງ­ຂັນ​ວັນ​ທີ  27-30 ຊີງ10 ຫຼຽນ​ຄຳ ຍິງ 4 ຊາຍ 4 ແລະ ຄູ່​ປະ­ສົມ 2 ຫຼຽນ ແລ່ນ-ລານ​ແຂ່ງ­ຂັນ​ວັນ​ທີ 27-31 ຊີງ40 ຫຼຽນ​ຄຳ ຍິງ 20 ຊາຍ 20 ເປັນ​ປະ­ເພດ​ກີ­ລາ​ທີ່​ຊີງ​ຫຼຽນ​ຄຳ​ຫຼາຍ​ສຸດ​ໃນ​ຄັ້ງ​ນີ້ ທັງ 4 ປະ­ເພດ​ກີ­ລາ​ນີ້ ແຂ່ງ­ຂັນ​ຢູ່​ສະ­ໜາມ​ເປີດ-ປິດ ດອກ​ປິກ​ໄກ່​ແຂ່ງ­ຂັນ​ວັນ​ທີ 23-30 ຊີງ 7 ຫຼຽນ​ຄຳ ຍິງ 3 ຊາຍ 3 ແລະ ຄູ່​ປະ­ສົມ 1 ຫຼຽນ ແຂ່ງ­ຂັນ​ທີ່​ສະ­ໂມ­ສອນ​ດອກ​ປິກ​ໄກ່​ແຂວງ​ບານ­ບ້ວງ​ແຂ່ງ​ວັນ​ທີ 24-30 ຊີງ2 ຫຼຽນ​ຄຳ ຍິງ 1 ຊາຍ 1 ແຂ່ງ­ຂັນ​ທີ່​ສະ­ໂມ­ສອນ​ບານ­ບ້ວງ​ສູນ​ກາງ​ຊາວ​ໜຸ່ມ​ແຂວງ​ມວຍ​ລາວ ແຂ່ງ​ວັນ​ທີ 26-31 ຊີງ 20 ຫຼຽນ​ຄຳ ຍິງ 8 ຊາຍ 12 ມວຍ​ສາ­ກົນ ແຂ່ງ​ວັນ​ທີ 20-25 ຊີງ 12 ຫຼຽນ​ຄຳ ຍິງ 6 ຊາຍ 6 ແຂ່ງ­ຂັນ​ທີ່​ສະ­ໂມ­ສອນ​ໂຮງ­ຮຽນ​ພອນ​ສະ­ຫວັນ​ແຂວງ ຍິງ​ປຶນ​ແຂ່ງ­ຂັນ​ວັນ​ທີ 23-29 ຊີງ 32 ຫຼຽນ​ຄຳ ຍິງ 14 ຊາຍ 18 ເປັນ​ປະ­ເພດ​ກີ­ລາ​ທີ່​ຊີງ​ຫຼຽນ​ຫຼາຍ​ເປັນ​ອັນ​ດັບ 2 ຮອງ​ຈາກ​ແລ່ນ​ລານ ແຂ່ງ­ຂັນ​ທີ່​ໂຮງ­ຮຽນ​ນາຍ​ສິບ ປກສ ເລກ 3 ເປ​ຕັງ​ແຂ່ງ­ຂັນ​ວັນ​ທີ 23-31 ຊີງ11 ຫຼຽນ​ຄຳ ຍິງ 4 ຊາຍ 4 ແລະ ຄູ່​ປະ­ສົມ 3 ບານ­ສົ່ງ​ໃນ​ຮົ່ມ​ແຂ່ງ­ຂັນ​ວັນ​ທີ 21-31 ຊີງ2 ຫຼຽນ​ຄຳ ຍິງ 1 ຊາຍ 1 ທັງ​ສອງ​ປະ­ເພດ​ແຂ່ງ­ຂັນ​ທີ່​ສວນ​ມອນ (ບ້ານ​ໂງຍ) ສ່ວນ​ບານ­ສົ່ງ​ຫາດ​ຊາຍ​ແຂ່ງ­ຂັນ​ວັນ​ທີ 21-31 ຊີງ2 ຫຼຽນ​ຄຳ ຍິງ 1 ຊາຍ 1 ແຂ່ງ­ຂັນ​ທີ່​ເຂດ​ອ່າງ​ນ້ຳ​ຫງຳ ມວຍ​ປ້ຳ​ແຂ່ງ­ຂັນ​ວັນ​ທີ 23-26 ຊີງ17 ຫຼຽນ​ຄຳ ຍິງ 5 ຊາຍ 12 ເທ​ຄວັນ​ໂດ​ແຂ່ງ­ຂັນ​ວັນ​ທີ 23-26 ຊີງ25 ຫຼຽນ​ຄຳ ຍິງ 12 ຊາຍ 12 ແລະ ຄູ່​ປະ­ສົມ 1 ທັງ​ສອງ​ປະ­ເພດ​ແຂ່ງ­ຂັນ​ທີ່​ພະ​ແນກ​ໂຍ­ທາ​ທິ​ການ ແລະ ຂົນ­ສົ່ງ​ແຂວງ ກະ­ຕໍ້-ຊິນ​ຫຼອນ ແມ່ນ​ເລີ່ມ​ແຂ່ງ­ຂັນ​ກວ່າ​ໝູ່ ເລີ່ມ​ແຂ່ງ­ຂັນ​ວັນ​ທີ 13-31 ຊີງ 14 ຫຼຽນ​ຄຳ ຍິງ 7 ຊາຍ 7 ແຂ່ງ­ຂັນ​ທີ່​ສະ­ໜາມ​ສະ­ໂມ­ສອນ​ດອກ​ປິກ​ໄກ່​ກອງ​ບັນ­ຊາ​ການ​ທະ­ຫານ​ແຂວງ ປິ່ງ​ປ່ອງ​ແຂ່ງ­ຂັນ​ວັນ​ທີ 23-29 ຊີງ7 ຫຼຽນ​ຄຳ ຍິງ 3 ຊາຍ 3 ແລະ ຄູ່​ປະ­ສົມ 1 ແຂ່ງ­ຂັນ​ທີ່​ສະ­ໂມ­ສອນ​ພະ​ແນກ​ແຜນ­ການ ແລະ ການ​ລົງ­ທຶນ​ແຂວງ ຄາ​ຣາ​ເຕ​ໂດ​ແຂ່ງ­ຂັນ​ວັນ​ທີ 28-30 ຊີງ 12 ຫຼຽນ​ຄຳ ຊາຍ 7 ຍິງ 5 ຢູ​ໂດ​ແຂ່ງ­ຂັນ​ວັນ​ທີ 23-25 ຊີງ 19 ຫຼຽນ​ຄຳ ຍິງ 9 ຊາຍ 10 ປັນ​ຈັກ​ສີ​ລັດ​ແຂ່ງ­ຂັນ​ວັນ​ທີ 27-29 ຊີງ20 ຫຼຽນ​ຄຳ ຍິງ 10 ຊາຍ 10 ແຂ່ງ­ຂັນ​ທີ່​ສະ­ໂມ­ສອນ​ກິ­ລາ​ໃນ​ຮົ່ມ​ວິ­ທະ­ຍາ­ໄລ​ຄູ​ຄັງ​ໄຂ A ວູ​ຊູ​ແຂ່ງ­ຂັນ​ວັນ​ທີ 29-31 ຊີງ17 ຫຼຽນ​ຄຳ ຍິງ 6 ຊາຍ 11 ແຂ່ງ­ຂັນ​ທີ່​ສະ­ໂມ­ສອນ​ໃນ​ຮົ່ມ​ວິ­ທະ­ຍາ­ໄລ​ຄູ​ຄັງ​ໄຂ B ໝາກ​ແລ້ ແຂ່ງ­ຂັນ​ວັນ​ທີ 23-27 ຊີງ12 ຫຼຽນ ຍິງ 6 ຊາຍ 6 ແຂ່ງ­ຂັນ​ທີ່​ສະ­ໂມ­ສອນ​ກີ­ລາ​ໃນ​ຮົ່ມ​ວິ­ທະ­ຍາ­ໄລ​ຄູ​ຄັງ​ໄຂ B ເທັນ​ນິ​ສ​ແຂ່ງ­ຂັນ​ວັນ​ທີ 23-27 ຊີງ 7 ຫຼຽນ​ຄຳ ຍິງ 3 ຊາຍ 3 ແລະ ຄູ່​ປະ­ສົມ 1 ແຂ່ງ­ຂັນ​ທີ່​ສະ­ໜາມ​ເທັນ​ນິ​ສ ບ້ານ​ໂພນ​ມີ​ໄຊ ກ໊ອຟ​ແຂ່ງ­ຂັນ​ວັນ​ທີ 23-26 ຊີງ 4 ຫຼຽນ​ຄຳ ເປັນ​ປະ­ເພດ​ຊາຍ​ທັງ​ໝົດ ແຂ່ງ­ຂັນ​ທີ່​ສະ​ໜາມ​ກ໊ອຟ​ພູ​ກູດ​ທອງ­ຄຳ ເຮືອ​ຊ່ວງ​ແຂ່ງ­ຂັນ​ວັນ​ທີ 24-28 ຊີງ 8 ຫຼຽນ​ຄຳ ຍິງ 4 ຊາຍ 4 ແຂ່ງ­ຂັນ​ທີ່​ໜອງ​ສະ­ເດັດ​ສຸ​ພາ­ນຸ​ວົງ 2 ບ້ານ​ໂພນ​ສະ­ຫວັນ​ເໜືອ ໝາກ­ເສິກ ແຂ່ງ­ຂັນ​ວັນ​ທີ  23-27 ຊີງ 9 ຫຼຽນ​ຄຳ ຍິງ 4 ຊາຍ 4 ແລະ ຄູ່​ປະ­ສົມ 1 ແຂ່ງ­ຂັນ​ທີ່​ສະ­ໂມ­ສອນ​ພະ​ແນກ​ກະ­ສິ­ກຳ ແລະ ປ່າ­ໄມ້​ແຂວງ ລົດ­ຖີບ​ແຂ່ງ­ຂັນ​ວັນ​ທີ 23-26 ຊີງ 11 ຫຼຽນ​ຄຳ ຍິງ 3 ຊາຍ 8 ແຂ່ງ­ຂັນ​ຕາມ​ເສັ້ນ­ທາງ​ເລກ 7 ແຕ່​ບ້ານ​ປ້າງ​ປາງ​ຫາ​ໂພນ​ສະ­ຫວັນ ແລະ ບາງ​ລາຍ­ການ​ຢູ່​ເຂດ​ອ່າງ​ນ້ຳ​ຫງຳ ໂບ​ລິ້ງ​ແຂ່ງ­ຂັນ​ວັນ​ທີ 23-28 ຊີງ10 ຫຼຽນ​ຄຳ ຍິງ 5 ຊາຍ 5 ແຂ່ງ​ທີ່​ສະ­ໂມ­ສອນ​ໂບ​ລິ້ງ ບ້ານ​ໂພນ​ມີ​ໄຊ ສະ­ນຸກ​ເກີ​ແຂ່ງ­ຂັນ​ວັນ​ທີ 23-28 ຊີງ 3 ຫຼຽນ​ຄຳ ເປັນ​ຊາຍ​ທັງ 3 ແຂ່ງ​ທີ່​ສະ­ໂມ­ສອນ​ສະ­ນຸກ​ເກີ​ຄຳ​ມະ­ນີ ລອຍ­ນ້ຳ​ແຂ່ງ​ທີ່​ແຂ່ງ­ຂັນ​ຢູ່​ສະ­ໜາມ​ຫຼັກ 16 ນະ­ຄອນ­ຫຼວງ​ວຽງ​ຈັນ ແຂ່ງ­ຂັນ​ວັນ​ທີ 25-28 ຊີງ 27 ຫຼຽນ​ຄຳ ຍິງ 12 ຊາຍ 14 ແລະ ຄູ່​ປະ­ສົມ 1 ຫຼຽນ.

ຂ່າວທີ່ກ່ຽວຂ້ອງ