ໄຟຟ້າລາວ ສາຂາແຂວງຫຼວງພະບາງ ຄວ້າແຊັມບານເຕະຊີງຂັນເຈົ້າແຂວງ

378 13 ກ.ພ. 2020 ວົງຈອນກີລາ

   ການ​ແຂ່ງ­ຂັນ​ກີ­ລາ​ບານ­ເຕະ ຊີງ​ຂັນ​ທ່ານ​ເຈົ້າ­ແຂວງ​ຫຼວງ​ພະ​ບາງ ຄັ້ງ​ທີ 5 ຮອບ​ຊີງ​ຊະ­ນະ​ເລີດ ຈັດ​ຂຶ້ນ​ວັນ​ທີ 8 ກຸມ­ພາ ຜ່ານ​ມາ ຢູ່​ເດີ່ນ​ກີ­ລາ​ແຂວງ​ດັ່ງ­ກ່າວ ເປັນ​ການ​ພົບ​ກັນ​ລະ­ຫວ່າງ​ເມືອງ​ໂພນ​ໄຊ ກັບ ໄຟ­ຟ້າ​ລາວ ສາ­ຂາ​ແຂວງ​ຫຼວງ​ພະ​ບາງ ເຊິ່ງ​ໄຟ­ຟ້າ​ລາວ ສາ­ຂາ​ແຂວງ​ຫຼວງ​ພະ​ບາງ ເອົາ​ຊະ­ນະ ເມືອງ​ໂພນ​ໄຊ 1-0 ປະ­ຕູ ຄວາມ​ແຊັມ​ລາຍ­ການ​ນີ້

ເປັນ​ຄັ້ງ​ທຳ​ອິດ ພາຍ­ຫຼັງ​ເຂົ້າ​ຊີງ 2 ຄັ້ງ ຂະ­ນະ​ທີ່​ຄູ່​ຊີງ​ທີ 3 ເປັນ​ການ​ພົບ​ກັນ​ລະ­ຫວ່າງ ນອກ​ກອບ (ແຊັມ​ເກົ່າ) ພົບ​ທະ­ນາ­ຄານ​ແຂວງ​ຫຼວງ​ພະ​ບາງ (ຮອງ​ແຊັມ​ເກົ່າ) ແລະ ເປັນ​ທະ­ນາ­ຄານ​ແຂວງ​ຫຼວງ​ພະ​ບາງ ເອົາ​ຊະ­ນະ 3-1 ປະ­ຕູ.

   ສະ­ຫຼຸບ​ການ​ແຂ່ງ­ຂັນ ທີ 1 ແມ່ນ​ໄຟ­ຟ້າ​ລາວ ສາ­ຂາ​ແຂວງ​ຫຼວງ​ພະ​ບາງ ໄດ້​ຮັບ​ຫຼຽນ​ຄຳ ພ້ອມ​ຂັນ​ແຊັມ​ປະ­ຈຳ​ປີ​ຂອງ​ສະ­ຫະ­ພັນ​ບານ­ເຕະ​ແຫ່ງ​ຊາດ​ລາວ 1 ໜ່ວຍ ຂັນ​ແຊັມ​ໝູ­ນວຽນ 3 ປີ ຂອງ​ທ່ານ​ເຈົ້າ ແຂວງ​ຫຼວງ​ພະ​ບາງ 1 ໜ່ວຍ ພ້ອມ​ເງິນ​ລາ­ງວັນ 10 ລ້ານ​ກີບ ທີ 2 ເມືອງ​ໂພນ​ໄຊ ໄດ້​ຮັບ​ຫຼຽນ​ລາ­ງວັນ ພ້ອມ​ຂັນ 1 ໜ່ວຍ ແລະ ເງິນ​ລາ­ງວັນ 7 ລ້ານ​ກີບ ທີ 3 ທະ­ນາ­ຄານ​ແຂວງ​ຫຼວງ​ພະ​ບາງ ໄດ້​ຮັບ​ຫຼຽນ​ລາ­ງວັນ ພ້ອມ​ຂັນ 1 ໜ່ວຍ ແລະ ເງິນ​ລາ­ງວັນ 5 ລ້ານ​ກີບ ທີ 4 ນອກ​ກອບ ໄດ້​ຮັບ​ເງິນ​ລາງ ວັນ 3 ລ້ານ​ກີບ ນອກ​ນີ້ ຍັງ​ມີ​ລາ­ງວັນ​ອື່ນໆ​ອີກ.

   ໃຫ້​ກຽດ​ມອບ​ລາ­ງວັນ​ຄັ້ງ​ນີ້ ໂດຍ​ທ່ານ ຄຳ​ແພງ ວົງ​ຂັນ­ຕີ ຮອງ​ປະ­ທານ​ສະ­ຫະ­ພັນ​ກີ­ລາ​ບານ­ເຕະ​ແຫ່ງ​ຊາດ​ລາວ ທ່ານ ຊາຍ​ສະ­ຫວັນ ຈັນ​ມາ­ນິດ ຮັກ­ສາ​ການ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ແຂວງ​ຫຼວງ​ພະ​ບາງ.

ຂ່າວທີ່ກ່ຽວຂ້ອງ