ເອັດທີ ກໍ່ສ້າງ ຊຸກຍູ້ຊ່ວຍທັບນັກກີລາກະຕໍ້ ນວ ກຽມຊຽງຂວາງເກມ

398 13 ກ.ພ. 2020 ວົງຈອນກີລາ
ເອັດທີ ກໍ່ສ້າງ ຊຸກຍູ້ຊ່ວຍທັບນັກກີລາກະຕໍ້ ນວ ກຽມຊຽງຂວາງເກມ

   ບໍ­ລິ­ສັດ ເອັດ​ທີ ກໍ່­ສ້າງ ແລະ ຕິດ​ຕັ້ງ​ໄຟ­ຟ້າ ໃຫ້­ການ​ສະ­ໜັບ​ສະ­ໜັບ­ສະ­ໜູນ​ເຂົ້າ­ສານ​ອາ­ຫານ​ແຫ້ງ ແລະ ເຄື່ອງ​ດື່ມ​ເພື່ອ​ບຳ­ລຸງ​ສຸ­ຂະ­ພາບ​ໃຫ້​ທີມ​ນັກ­ກີ­ລາ​ກະ­ຕໍ້​ນະ­ຄອນ­ຫຼວງ​ວຽງ​ຈັນ (ນວ) 31 ຄົນ​ຍິງ 12 ຄົນ ເພື່ອ​ກຽມ​ຄວາມ​ພ້ອມ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ Xl ຫຼື ຊຽງ​ຂວາງ ເກມ ທີ່​ແຂວງ​ຊຽງ​ຂວາງ​ຮັບ​ກຽດ​ເປັນ​ເຈົ້າ­ພາບ​ຈັດ​ຂຶ້ນ​ວັນ​ທີ 22 ມີ­ນາ ຫາ 1 ເມ­ສາ 2020.

   ພິ­ທີ​ມອບ-ຮັບ​ເຄື່ອງ​ດັ່ງ­ກ່າວ​ຈັດ​ຂຶ້ນ​ເມື່ອ​ບໍ່​ດົນ​ມາ​ນີ້​ທີ່​ສະ­ໂມ­ສອນ​ກີ­ລາ​ໃນ​ຮົ່ມ​ໂຮງ­ຮຽນ​ມິດ­ຕະ­ພາບ ນວ-ນະ­ຄອນ​ໂຮ່​ຈີ​ມິງ ກ່າວ​ມອບ​ໂດຍ​ທ່ານ ຄຳ​ສະ­ໄຫວ ແກ້ວ​ວົງ­ສາ ຕາງ­ໜ້າ​ບໍ­ລິ­ສັດ ເອັດ​ທີ ກໍ່­ສ້າງ ແລະ ຕິດ​ຕັ້ງ​ໄຟ­ຟ້າ  ແລະ ກ່າວ​ຮັບ​ໂດຍ​ທ່ານ ຮວງ​ຄຳ ນັນ­ທະ​ລັງ­ສີ ຫົວ­ໜ້າ​ຄູ​ເຝິກ​ກະ­ຕໍ້ ນວ ມີ​ບັນ­ດາ​ຄະ­ນະ​ຄູ​ເຝິກ ພະ­ນັກ­ງານ​ທີ່​ກ່ຽວ­ຂ້ອງ​ທັງ​ສອງ​ຝ່າຍ ແລະ ນັກ­ກີ­ລາ​ເຂົ້າ​ຮ່ວມ.

   ສຳ­ລັບ​ເຄື່ອງ​ທີ່​ບໍ­ລິ­ສັດ​ມາ​ມອບ​ໃຫ້​ຄັ້ງ​ນີ້​ປະ­ກອບ​ມີ​ເຂົ້າ­ສານ ໝີ່​ໄວໆ ໄຂ່ ແລະ ເຄື່ອງ​ບຳ­ລຸງ​ສຸ­ຂະ­ພາບ​ລວມ​ມູນ​ຄ່າ​ເກືອບ 3 ລ້ານ​ກີບ ສ່ວນ​ທີມ​ນັກ­ກີ­ລາ​ກະ­ຕໍ້ ນວ ເຂົ້າ​ຮ່ວມ​ຊຽງ​ຂວາງ​ເກມ​ມີ​ທັງ​ໝົດ 34 ຄົນ​ໃນ​ນັ້ນ​ສະ­ເພາະ​ກະ­ຕໍ້​ທົ່ວ​ໄປ​ປະ­ກອບ​ມີ 12 ຄົນ ຍິງ 6 ຄົນ ເຂົ້າ​ຮ່ວມ 6 ລາຍ­ການ ປະ­ກອບ​ມີ​ປະ­ເພດ​ທີມ​ດ່ຽວ​ຍິງ-ຊາຍ ທີມ​ຄູ່ ຍິງ-ຊາຍ ແລະ ທີມ​ຄູ່​ດັບ​ເບິນ ຍິງ-ຊາຍ ແລະ ປະ­ເພດ​ກະ­ຕໍ້​ຊິນ​ລອນ ມີ ຊາຍ 8 ຄົນ ຍິງ 8 ຄົນ ເຂົ້າ​ຮ່ວມ 8 ລາຍ­ການ​ກໍ​ຄື​ປະ­ເພດ​ດິ​ວິ​ຊັນ 1 ດິ​ວິ​ຊັນ 2 ດິ​ວິ​ຊັນ 3 ແລະ ດິ​ວິ​ຊັນ 4 ທັງ​ຍິງ ແລະ ຊາຍ ກີ­ລາ​ດັ່ງ­ກ່າວ​ໄດ້​ກຽມ​ຄວາມ​ພ້ອມ​ເຝິກ­ຊ້ອມ​ມາ​ແຕ່​ກາງ​ເດືອນ​ພະ­ຈິກ 2019 ແລະ ໄດ້​ເຂົ້າ​ນອນ​ສູນ​ວັນ​ທີ 16 ມັງ­ກອນ 2020.

ຂ່າວທີ່ກ່ຽວຂ້ອງ