ລາວໂຕໂຢຕ້າ ຖືກ ຮົ່ວກັງ ບຸກຊະນະ 3-1 ເອເອັຟຊີ ຄັບ

498 13 ກ.ພ. 2020 ວົງຈອນກີລາ
ລາວໂຕໂຢຕ້າ ຖືກ ຮົ່ວກັງ ບຸກຊະນະ 3-1 ເອເອັຟຊີ ຄັບ

   ສະ­ໂມ­ສອນ ລາວ​ໂຕ​ໂຢ​ຕ້າ ເອັຟ​ຊີ ແຊັມ​ລາຍ­ການ ເປບ​ຊີ ລາວ​ພຣີ​ເມຍ​ລີກ ລະ­ດູ​ການ 2019 ປະ​ເດີມ​ສະ­ໜາມ​ໃນ​ນັດ​ທຳ​ອິດ ຍິງ​ອອກ​ນຳ­ໄປ​ກ່ອນ 1-0 ປະ­ຕູ ແຕ່​ສຸດ​ທ້າຍ​ຕ້ານ​ຄວາມ​ແຂງ​ແກ່ນ​ບໍ່​ໄຫວ​ຖືກ ສະ­ໂມ­ສອນ ຮົ່ວ​ກັງ (Hougang United FC) ຈາກ​ປະ­ເທດ​ສິງ­ກະ­ໂປ ບຸກ​ມາ​ເອົາ​ຊະ­ນະ​ຄາ​ຖິ່ນ 3-1 ປະ­ຕູ ໃນ​ການ​ແຂ່ງ­ຂັນ​ບານ­ເຕະ ເອ​ເອັຟ​ຊີ ຄັບ 2020 ຮອບ​ແບ່ງ​ກຸ່ມ ເມື່ອ​ວັນ​ທີ 11 ກຸມ­ພາ 2020 ທີ່​ສະ­ໜາມ​ກີ­ລາ​ແຫ່ງ​ຊາດ (ຫຼັກ 16) ນະ­ຄອນ­ຫຼວງ​ວຽງ​ຈັນ.

   ສ່ວນ​ຕາ­ຕະ­ລາງ​ການ​ແຂ່ງ­ຂັນ​ນັດ​ຕໍ່​ໄປ​ຂອງ ລາວ ໂຕ​ໂຢ​ຕ້າ ເອັບ​ຊີ ມີ​ຄິວ​ໄປ​ຢາມ ສະ­ໂມ­ສອນ YANGON UNITED FC ໃນ​ວັນ 25 ກຸມ­ພາ 2020 ທີ່​ສະ­ຫະ­ພາບ​ມຽນ​ມາ ໄປ​ຢາມ​ສະ­ໂມ­ສອນ Hochiminh City FC ໃນ​ວັນ​ທີ 10 ມີ­ນາ 2020 ທີ່ ສສ ຫວຽດ­ນາມ ຮັບ​ການ​ມາ​ຢາມ​ຂອງ ສະ­ໂມ­ສອນ Hochiminh City FC ໃນ​ວັນ​ທີ 15 ເມ­ສາ 2020 ທີ່​ສະ­ໜາມ​ກີ­ລາ​ແຫ່ງ​ຊາດ (ຫຼັກ16)ໄປ​ຢາມ ສະ­ໂມ­ສອນ Hougang United FC ໃນ​ວັນ​ທີ 29 ເມ­ສາ 2020 ແລະ ຮັບ​ການ​ມາ​ຢາມ​ຂອງ​ສະ­ໂມ­ສອນ YANGON UNITED FC ໃນ​ວັນ​ທີ 13 ພຶດ­ສະ­ພາ 2020 ທີ່​ສະ­ໜາມ​ກີ­ລາ​ແຫ່ງ​ຊາດ (ຫຼັກ 16).

ຂ່າວທີ່ກ່ຽວຂ້ອງ