ຊຸກຍູ້ສົ່ງເສີມການຫັນເປັນທັນສະໄໝ ລະບົບການບໍລິການຂອງລັດດ້ວຍດີຈິຕອນ

898 13 ກ.ພ. 2020 ຂ່າວໜ້າ​ໜຶ່ງ
ຊຸກຍູ້ສົ່ງເສີມການຫັນເປັນທັນສະໄໝ ລະບົບການບໍລິການຂອງລັດດ້ວຍດີຈິຕອນ

   ກອງ​ປະ­ຊຸມ​ວຽກ​ງານ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ (ປທສ) ຂຶ້ນ​ວັນ​ທີ 11-13 ກຸມ­ພາ 2020 ທີ່​ສູນ ການ​ຮ່ວມ​ມື ລາວ-ຢີ່​ປຸ່ນ (ຫຼັກ 5) ນະ­ຄອນ­ຫຼວງ​ວຽງ​ຈັນ ພາຍ​ໃຕ້​ຄຳ​ຂວັນ: ຊຸກ­ຍູ້​ສົ່ງ­ເສີມ​ການ​ຫັນ​ເປັນ​ທັນ​ສະ­ໄໝ​ລະ­ບົບ​ການ​ບໍ­ລິ­ການ​ຂອງ​ລັດ​ດ້ວຍ​ດີ​ຈິ​ຕອນ ໂດຍ​ການ​ເປັນ​ປະ­ທານ​ຂອງ​ທ່ານ ທັນ​ສະ­ໄໝ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ ປທສ ມີ​ຄະ­ນະ​ນຳ​ກະ­ຊວງ ຫົວ­ໜ້າ​ກົມ ຮອງ​ກົມ​ທຽບ​ເທົ່າ ຫົວ­ໜ້າ​ພະ​ແນກ ປທສ ແຂວງ ນະ­ຄອນ­ຫຼວງ ຄະ ນະ​ອຳ­ນວຍ​ການ​ລັດ​ວິ​ສາ​ຫະ​ກິດ ແລະ ພະ­ນັກ­ງານ​ຫຼັກ​ແຫຼ່ງ​ອ້ອມ​ຂ້າງ​ກະ­ຊວງ​ເຂົ້າ​ຮ່ວມ.

   ທ່ານ ທອງ​ໃສ ຊານ​ໄຊ​ຍະ ຮອງ​ລັດ­ຖະ­ມົນ­ຕີ​ກະ­ຊວງ ປທສ ໄດ້​ຜ່ານ​ບົດ​ສະ­ຫຼຸບ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ ປທສ ປີ 2019 ແລະ ທິດ​ທາງ​ແຜນ­ການ ປີ 2020 ເຫັນ​ວ່າ 1 ປີ­ຜ່ານ­ມາ ສາ­ມາດ​ຍາດ​ໄດ້­ຜົນ​ງານ​ພົ້ນ​ເດັ່ນ​ຫຼາຍ​ດ້ານ ເຊັ່ນ: ສຳ­ເລັດ​ການ​ເປັນ​ເຈົ້າ­ພາບ​ໝູ­ນວຽນ​ກອງ​ປະ­ຊຸມ​ລັດ­ຖະ­ມົນ­ຕີ ໄອ​ຊີ​ທີ​ອາ​ຊຽນ ຄັ້ງ​ທີ 19 ທົດ​ລອງ​ນຳ​ໃຊ້​ລະ­ບົບ​ອອກ​ໃບ​ຮັບ­ຮອງ​ເອ​ເລັກ​ໂຕຣ​ນິກ​ແຫ່ງ​ຊາດ National Root Certification Authority (NRCA) ເພື່ອ​ກຽມ​ຄວາມ​ພ້ອມ​ໃນ​ການ​ເຮັດ​ທຸ­ລະ​ກຳ​ອອນ​ລາຍ ໄດ້​ໃຫ້​ບໍ­ລິ­ການ​ສູນ​ຂໍ້​ມູນ​ເອ​ເລັກ​ໂຕຣ​ນິກ​ແກ່​ບັນ­ດາ​ອົງ­ການ​ຈັດ ຕັ້ງ​ລັດ ແລະ ເອ­ກະ​ຊົນ ເປັນ­ຕົ້ນ ການ​ຝາກ​ເວັບ​ໄຊ​ທີ່​ມີ​ລະ­ບົບ​ຄວາມ​ປອດ​ໄພ ບໍ­ລິ­ການ​ລະ­ບົບ​ອີ​ເມວ​ທາງ​ການ​ບໍ­ລິ­ການ​ເຊີ​ເວີ ສ້າງ​ລະ­ບົບ​ຫ້ອງ­ການ​ທັນ​ສະ ໄໝ (E-Office) ລວມ​ທັງ​ລະ­ບົບ​ອີ​ເມວ​ລະ­ບົບ​ກອງ​ປະ­ຊຸມ​ທາງ­ໄກ​ສຳ­ລັບ​ພາກ​ລັດ ແລະ ລະ­ບົບ​ບໍ­ລິ­ການ​ປະ­ຕູ ດຽວ​ຖານ​ຂໍ້​ມູນ​ພາກ​ລັດ (e-Government portal) ພ້ອມ​ນີ້ ຍັງ​ໄດ້​ລິ​ເລີ່ມ​ໂຄງ­ການ​ຫັນ​ເປັນ​ທັນ​ສະ­ໄໝ​ໃນ​ການ​ຊຳ­ລະ​ສະ​ສາງ ແລະ ການ​ເກັບ​ລາຍ​ຮັບ​ເຂົ້າ​ງົບ ປະ­ມານ ອະ­ນຸ­ຍາດ​ໃຫ້​ບໍ­ລິ­ສັດ​ທີ່ ໃຫ້​ບໍ­ລິ­ການ​ດ້ານ​ໂທລະ​ຄົມ​ທົດ​ລອງ​ນຳ​ໃຊ້​ລະ­ບົບ 5G ສ້າງ​ລະ ບົບ​ຕິດ­ຕາມ​ກວດ­ກາ​ໄພ​ຄຸກ​ຄາມ​ທາງ​ໄຊ​ເບີ (Cyber attack Monitoring System) ຕິດ​ຕັ້ງ​ລະ­ບົບ​ເຕັກ­ນິກ ເພື່ອ​ຮັບ​ແຈ້ງ ເຫດ​ສຸກ​ເສີນ​ທາງ​ຄອມ​ພີວ​ເຕີ (RTIR) ລະ­ບົບ​ຕິດ­ຕາມ ແລະ ກວດ​ຈັບ​ການ​ໂຈມ​ຕີ​ລະ­ບົບ​ເຄື່ອ​ຄ່າຍ (Tsubame Sensor) ລະ ບົບ​ແຈ້ງ​ເຕືອນ ເຜີຍ­ແຜ່​ຄວາມ​ຮູ້​ໃຫ້​ແກ່​ສັງ­ຄົມ (Web Server) ແລະ ລະ­ບົບ​ຄວາມ​ປອດ​ໄພ​ເທິງ​ເວັບ​ໄຊ (SSL Certificate) ສ້າງ​ແຜນ­ການ​ນຳ​ໃຊ້ CA ເຂົ້າ​ກັບ​ລະ­ບົບ e-office ລະ­ບົບ i-office e-tax ຂອງ​ກະ­ຊວງ​ການ​ເງິນ ສ້າງ​ຄູ່​ກະ­ແຈ​ຂັ້ນ​ສູງ​ສຸດ (Root CA) ຄູ່​ກະ­ແຈ​ລັດ­ຖະ­ບານ (Government CA) ຄູ່​ກະ­ແຈ​ສາ ທາ​ລະ­ນະ (Public CA) ສ້າງ​ສະ­ຖາ­ນີ​ກວດ­ກາ​ຄື້ນ​ຄວາມ​ຖີ່​ວິ­ທະ­ຍຸ​ສື່­ສານ​ແບບ​ບໍ່​ມີ​ຄົນ​ປະ­ຈຳ (Remote Monitoring Station) 2 ແຫ່ງ ທີ່​ສະ­ໜາມ​ບິນ​ສາ­ກົນ ວັດ​ໄຕ ແລະ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ ດ້ານ​ນິ­ຕິ ກຳ​ສ້າງ​ດຳ­ລັດ 2 ສະ­ບັບ ຂໍ້​ຕົກ­ລົງ 3 ສະ­ບັບ ຄຳ​ແນະ­ນຳ 1 ສະ­ບັບ ສາ­ມາດ​ສ້າງ​ບຸ​ຄະ­ລາ​ກອນ​ດ້ານ​ໄອ​ຊີ​ທີ ລະ­ບົບ​ຊັ້ນ​ສູງ​ໄດ້275 ຄົນ ເຝິກ­ອົບ­ຮົມ​ສຳ​ມະ​ນາ​ທັງ​ພາຍ​ໃນ ແລະ ຕ່າງ­ປະ­ເທດ​ໄດ້ 475 ເທື່ອ​ຄົນ ສ້າງ​ລະ­ບົບ​ການ​ສອບ­ເສັງ​ແບບ​ອີ​ເລັກ​ໂຕຣ​ນິກ (E-Testing) ລະ­ບົບ​ລາຍ​ງານ​ຜົນ​ການ​ສອບ­ເສັງ​ແບບ​ເລັກ​ໂຕຣ​ນິກ (E-Score) ແລະ ຫຼັກ­ສູດ​ການ​ສຶກ​ສາ​ທາງ­ໄກ ຄົ້ນ­ຄວ້າ​ປັບ­ປຸງ​ຫຼັກ­ສູດ​ການ​ຮຽນ-ການ​ສອນ ຊັ້ນ​ປະ­ລິນ­ຍາ​ຕີ​ລະ­ບົບ​ຕໍ່​ເນື່ອງ.

   ສຳ­ລັບ​ທິດ​ທາງ​ແຜນ­ການ ປີ 2020 ເພື່ອ​ເຮັດ​ໃຫ້​ແຜນ​ປີ​ສຸດ​ທ້າຍ​ຂອງ​ແຜນ​ພັດ­ທະ­ນາ 5 ປີ ຄັ້ງ​ທີ II (2016-2020) ຂອງ​ຕົນ ໄດ້​ຮັບ​ການ­ຈັດ­ຕັ້ງ​ປະ­ຕິ­ບັດ​ດ້ວຍ ໝາກ­ຜົນ​ສູງ ຄຽງ​ຄູ່​ກັບ​ການ​ເອົາ ໃຈ​ໃສ່​ເພີ່ມ​ທະ­ວີ​ການ​ໂຄ­ສະ­ນາ​ເຜີຍ­ແຜ່​ໃຫ້​ຄວາມ​ຮູ້ ເພື່ອ​ສ້າງ​ຄວາມ​ເຂົ້າ­ໃຈ​ໃຫ້​ແກ່​ສັງ­ຄົມ​ຮູ້ ຈັກ​ນຳ​ໃຊ້​ສື່​ສັງ­ຄົມ​ອອນ​ລາຍ  ຄົ້ນ­ຄວ້າ​ປັບ­ປຸງ ແລະ ສ້າງ​ນະ

ໂຍ​ບາຍ​ນິ­ຕິ​ກຳ ເປັນ­ຕົ້ນ ແຜນ​ແມ່​ບົດ​ການ​ຫັນ​ໄປ​ສູ່​ການ​ຊຳ­ລະ ສະ​ສາງ​ແບບ​ດີ​ຈິ​ຕອນ ແລະ ແຜນ​ແມ່​ບົດ​ການ​ຫັນ​ໄປ​ສູ່​ເສດ ຖະ​ກິດ​ດີ​ຈິ​ຕອນ​ແຫ່ງ​ຊາດ ເພື່ອ​ກຽມ​ຄວາມ​ພ້ອມ​ໃນ​ການ​ຫັນ​ເປັນ​ທັນ​ສະ­ໄໝ ໃນ​ການ​ຊຳ­ລະ​ສະ​ສາງ ແລະ ເກັບ​ລາຍ​ຮັບ​ເຂົ້າ ງົບ­ປະ­ມານ​ຜ່ານ​ລະ­ບົບ​ໂທລະ ສັບ​ມື​ຖື ສ້າງ​ລາຍ​ຮັບ​ຂອງ​ຂະ ແໜງ​ການ​ເຂົ້າ​ງົບ­ປະ­ມານ​ລັດ ເພື່ອ​ເປັນ​ການ​ປະ­ກອບ­ສ່ວນ​ສຳ ຄັນ​ໃນ​ສົກ​ງົບ­ປະ­ມານ ປີ 2020 ສະ­ໜອງ ແລະ ຕິດ​ຕັ້ງ​ອຸ­ປະ­ກອນ​ການ​ເຊື່ອມ​ຕໍ່​ລະ­ບົບ​ເຄື່ອ​ຄ່າຍ​ພາກ​ລັດ​ເປັນ​ດີ​ຈິ​ຕອນ​ໃຫ້ 18 ກະ­ຊວງ ແລະ ຫ້ອງ​ວ່າ­ການ ສນຍ ໃຫ້​ສາ­ມາດ​ເຊື່ອມ​ໂຍງ​ຫາ​ກັນ ໄດ້​ຂະ­ຫຍາຍ​ການ​ນຳ​ໃຊ້​ລະ­ບົບ​ຫ້ອງ­ການ​ທັນ​ສະ­ໄໝ (e-Office) ໃຫ້​ໄດ້ 6 ພາກ­ສ່ວນ​ຢູ່​ສູນ​ກາງ ອະ­ນຸ­ມັດ​ຍ່ານ​ຄື້ນ​ຄວາມ​ຖີ່​ໃຫ້​ບັນ­ດາ​ຜູ້​ໃຫ້​ບໍ­ລິ­ການ​ໂທະ​ລະ​ຄົມ­ມະ­ນາ­ຄົມ ເພື່ອ​ການ​ທົດ​ລອງ​ລະ­ບົບ 5G ສ້າງ​ມາດ­ຕະ­ຖານ​ເຕັກ­ນິກ​ຫັນ​ໄປ​ສູ່​ໄປ­ສະ­ນີ​ແບບ​ເອ​ເລັກ​ໂຕຣ​ນິກ (e-post) ທີ່​ມີ​ຄຸນ​ນະ​ພາບ ກຽມ​ຄວາມ​ພ້ອມ​ໃນ​ການ​ຮອງ​ຮັບ E-commerce ໃນ​ອະ­ນາ­ຄົດ.

ຂ່າວທີ່ກ່ຽວຂ້ອງ