ທ່າອ່ຽງທີ່ຜິດພາດໃນລະບົບການສຶກສາ...

2.451 27 ມິ.ຖ. 2011 ນານາສາລະ

<p style="text-align: justify;"> ຕິດ­ຕາມ​ກອງ​ປະ­ຊຸມ​ສະ­ພາ​ຄັ້ງ​ນີ້ ກໍ​ມີ​ຫຼາຍ​ບັນ­ຫາ​ທີ່​ບັນ­ດາ ສສຊ ມີ​ຄຳ​ເຫັນ ໂດຍ​ສະ­ເພາະ ໃນ​ຂົງ­ເຂດ​ການ​ສຶກ​ສາ​ຫາກ​ໄດ້​ອ່ານ​ບົດ​ໃນ​ຫົວ­ຂໍ້ <strong>ຂໍ້​ຄິດ​ເຖິງ​ກອງ​ປະ­ຊຸມ​ສະ­ພາ </strong>ໃນ​ໜ້າ 03 ວຽງ​ຈັນ​ໃໝ່ ວັນ​ທີ 20/6/2011 ແຫ່ງ​ເປັນ​ໜ້າ​ກັງ­ວົນ​ໃຈ ໃນ​ບົດ​ດັ່ງ­ກ່າວ​ນີ້ ເພິ່ນ​ໄດ້​ສັງ​ລວມ​ເອົາ​ໂທລະ­ສັບ​ສາຍ​ດ່ວນ​ທີ່​ສົ່ງ​ເຂົ້າ​ສະ­ພາ ໃນ​ວັນ​ທີ 15-16 ມິ­ຖຸ­ນາ 2011 ເຊິ່ງ​ກວມ​ເອົາ 14 ບັນ­ຫາ ສ່ວນ​ເອ­ກະ­ສານ​ສົ່ງ​ຜ່ານ​ໂທລະ​ສານ (ແຟັກ) ນັ້ນ​ມີ 6 ບັນ­ຫາ ລວມ​ເຂົ້າ­ກັນ​ມີ 20 ບັນ­ຫາ.</p> <p style="text-align: justify;"> ໜຶ່ງ​ໃນ​ນັ້ນ ເພິ່ນ​ໄດ້​ສະ­ເໜີ​ບັນ­ຫາ​ຂອງ​ຜູ້​ໃຊ້​ນາມ <strong>ພົນ­ລະ­ເມືອງ​ດີ </strong>ຈາກ​ນະ­ຄອນ­ຫຼວງ​ວຽງ​ຈັນ ຈົກ​ເອົາ​ບັນ­ຫາ​ເກົ່າ​ມາ​ເວົ້າ​ໃໝ່​ຄື: ບັນ­ຫາ​ການ​ສຶກ​ສາ ທີ່​ມີ​ທ່າ​ອ່ຽງ​ຫັນ​ເປັນ​ທຸ­ລະ​ກິດ ຊອກ​ຮັ່ງ­ມີ​ສ່ວນ​ຕົວ ເຊິ່ງ​ມາ​ໃນ​ຮູບ​ການ​ຂາຍ-ຊື້​ຄະ­ແນນ ຈ້າງ​ຮຽນ​ເພີ່ມ ການ​ຂາຍ​ຂໍ້​ສອບ ຈ້າງ​ຄ່າ​ເມື່ອຍ​ໃນ​ການ​ຜ່ານ​ບົດ​ຈົບ​ຊັ້ນ ແລະ ອື່ນໆ.</p> <p style="text-align: justify;"> ຜູ້​ຂຽນ​ບົດ​ນີ້​ຂຽນ​ວ່າ: ໃນ​ຂະ­ນະ​ທີ່​ຂຽນ​ບົດ​ນີ້​ຢູ່​ພໍ­ດີ​ໄດ້​ຟັງ​ຄຳ​ເຫັນ​ຂອງ ສສຊ ດຣ. ຄຳ​ເຜີຍ ປານ​ມະ​ໄລ​ທອງ ກ່ຽວ​ກັບ​ທ່າ​ອ່ຽງ​ທີ່​ຜິດ­ພາດ ເຊິ່ງ​ປະ­ກົດ​ໃຫ້​ເຫັນ​ໃນ​ລະ­ບົບ​ການ​ສຶກ​ສາ ພວກ​ເຮົາ​ນັ້ນ​ຄື ທ່າ​ອ່ຽງ ຄະ­ແນນ​ນິ­ຍົມ ແລະ ທ່າ​ອ່ຽງ​ນິ­ຍົມ <strong>ໃບ​ປະ­ກາດ </strong>ຊັ້ນ​ນັ້ນ ຊັ້ນ​ນີ້ ເພື່ອ​ອວດ​ອ້າງ​ວ່າ​ຕົນ​ມີ​ຄວາມ​ຮູ້ ທ່ານ ສສຊ ບອກ​ວ່າ ຕ້ອງ​ໄດ້​ປ່ຽນ­ແປງ​ແນວ​ຄິດ​ດັ່ງ­ກ່າວ ໃຫ້​ເບິ່ງ​ທ່າ​ອ່ຽງ​ລວມ​ຂອງ​ລະ­ບົບ​ການ​ສຶກ​ສາ​ທີ່​ກ້າວ­ໜ້າ​ໃນ​ໂລກ ທ່າ​ອ່ຽງ​ທີ່​ສ້າງ​ຄົນ​ໃຫ້​ກ້າ​ເຮັດ​ກ້າ​ທຳ ແລະ ເປັນ​ເຈົ້າ​ຕົນ​ເອງ.</p> <p style="text-align: justify;"> ຄໍ​ລຳ​ພວກ​ເຮົາ ເຄີຍ​ຂຽນ​ກ່ຽວ​ກັບ​ທ່າ​ອ່ຽງ​ເລື່ອງ​ສຶກ​ສາ ແບບ​ໃຊ້​ເງິນ​ນີ້​ມາ​ແລ້ວ​ຢ່າງ​ໜ້ອຍ​ສອງ​ບົດ ຄື: ບົດ​ທີ​ໜຶ່ງ​ພາຍ​ໃຕ້​ຫົວ­ຂໍ້ <strong>ອິດ​ທິ​ພົນ​ຂອງ​ເງິນ </strong>ລົງ​ພິມ​ໃນ​ວັນ​ທີ 29/1/2007 ເຊິ່ງ​ໃຈ­ຄວາມ​ຫຼັກ​ຂອງ​ບົດ ເວົ້າ​ເຖິງ​ດ້ານ​ລົບ​ຂອງ​ເງິນ​ມີ​ອັນ­ຕະ­ລາຍ​ຫຼາຍ​ຢ່າງ ມັນ​ສາ­ມາດ​ປ່ຽນ​ສິ່ງ​ດີ​ເປັນ​ສິ່ງ​ຮ້າຍ​ໄດ້... ປ່ຽນ​ນັກ­ເລງ​ເປັນ​ປັນ­ຍາ​ຊົນ​ໄດ້...</p> <p style="text-align: justify;"> ສ່ວນ​ບົດ​ທີ​ສອງ ໃນ​ຫົວ­ຂໍ້ <strong>ເງິນ​ກັບ​ໃບ​ປະ­ກາດ </strong>ລົງ​ພິມ​ໃນ​ວັນ​ທີ 7/11/2007 ເນື້ອ​ໃນ​ເວົ້າ​ເຖິງ ກະ­ແສ​ນິ­ຍົມ​ແຂ່ງ­ຂັນ​ກັນ​ເລື່ອງ​ຄະ­ແນນ ເລື່ອງ​ໃບ​ປະ­ກາດ ສ່ວນ​ເລື່ອງ​ຄວາມ​ຮູ້​ສຳ­ຮອງ​ເອົາ​ໃບ​ປະ­ກາດ​ໄວ້​ກ່ອນ... ມີ​ການ​ສະ­ເໜີ​ໃຫ້​ຈັດ​ຕັ້ງ​ກອງ​ປະ­ຊຸມ​ວິ­ຊາ​ການ ຄົ້ນ​ຄ້ວ​າ​ຊອກ​ຫາ​ທາງ​ອອກ​ຮ່ວມ​ກັນ​ຂອງ​ຫຼາຍ​ພາກ­ສ່ວນ ? ສະ­ເໜີ​ໃຫ້​ມີ​ນັກ​ຄົ້ນ​ຄ້ວ​າ​ກໍ­ລະ­ນີ​ອຳ­ນາດ​ເງິນ​ໃນ​ວົງ​ການ​ສຶກ​ສາ ເກືອບ​ສີ່​ປີ​ແລ້ວ ທີ່​ຄຳ​ເຫັນ​ຂອງ​ຄໍ​ລຳ​ເຮົາ​ສະ­ເໜີ​ອອກ ເຫັນ​ວ່າ​ທ່າ​ອ່ຽງ​ດັ່ງ­ກ່າວ​ຍັງ​ມີ​ຢູ່ ສະ­ນັ້ນ ຈຶ່ງ​ຂໍ​ຮຽກ­ຮ້ອງ​ໃຫ້​ທຸກ​ພາກ­ສ່ວນ ພ້ອມ​ກັນ​ແກ້​ໄຂ ?.</p>

ຂ່າວທີ່ກ່ຽວຂ້ອງ